Երկու տարվա ընթացքում Սիրիայում իրավիճակը զգալիորեն բարելավել է: Այս մասին հոկտեմբերի 21-ին մամուլի ասուլիսի ժամանակ ասել է, Ռուսաստանի Գիտությունների ակադեմիայի Արեւելագիտության ինստիտուտի Կենտրոնական Ասիայի եւ Կովկասի հետազոտությունների կենտրոնի գիտական աշխատող Անդրեյ Արեշեւը:
Նրա խոսքով՝ Սիրիայում Ռուսաստանի միջամտությունից հետո իրավիճակը փոխվել է:
«Սիրիական Արաբական Հանրապետության տարածքում բաց ռազմական գործողությունները աստճանաբար կնվազեն: Սակայն, ցավոք, մենք չենք կարող բացառել պարտիզանական պատերազմը եւ որոշ ահաբեկչական հարձակումներ, այդ թվում խոշոր քաղաքներում», - ասել է Արեշեւը` հավելելով, որ Ռուսաստանը կշարունակի աջակցել սիրիական կողմին, ինչպես նաեւ կիրականացնի կայունության պահպանմանն ուղղված խաղաղապահ գործառույթներ:
Միեւնույն ժամանակ, փորձագետը նշել է, որ Սիրիայի հարցի լուծումը մեծ նշանակություն ունի ռուս-թուրքական հարաբերությունների համար: Ըստ Արեշեւի՝ առանց Անկարայի եւ Թեհրանի հետ Մոսկվայի փոխհամագործակցության, այդ խնդիրը հնարավոր չէ լուծել:
Դրա հետ մեկտեղ նա ասել է, որ Թուրքիայի եւ Ռուսաստանի հարաբերությունները չի կարելի պարզ անվանել:
«Թուրքիան իր փորձով համոզվել է, որ հարեւան երկրում ծայրահեղական եւ ահաբեկչական խմբավորումների աջակցությունը, ինչպես դա եղել է 2011-2012 տարիների ընթացքում, ապակառուցողական է եւ խարխլում է կայունությունը Թուրքիայի ներսում», - նշել է փորձագետը` հավելելով, որ Ռուսաստանը, Սիրիայում ունենալով ռազմական օբյեկտներ, ըստ էության, Մերձավոր Արեւելք է վերադառնում որպես ակտիվ խաղացող:
