Սիրիայի զինադադարի հանձնաժողովի ռուս ներկայացուցիչները մեկ օրում կրակի դադարեցման ռեժիմի խախտման հինգ, իսկ թուրք ներկայացուցիչները 4 դեպք են արձանագրել, հաղորդվում է ՌԴ Պաշտպանության նախարարության տեղեկատվական ամփոփագրում:
Ռազմական գործողությունների դադարեցման ռեժիմի խախտումների փաստերի հետ կապված հարցեր դիտարկող ռուս-թուրքական համատեղ հանձնաժողովի ռուս ներկայացուցիչները արձանագրել են 5 կրակոց, որոնցից մեկը Հալեպի, մեկը Դամասկոսի եւ երեքը՝ Հոմսի ուղղությամբ: Թուրք ներկայացուցիչները գրանցել են չորս խախտում, որոնցից մեկը Հալեպի, երեքը՝ Դամասկոսի ուղղությամբ:
Հաղորդագրության համաձայն՝ հրաձգային զինատեսակներից անկանոն կրակահերթերի մեծ մասը արձանագրվել է այն շրջաններում, որոնք վերահսկում են «Ջեբհաթ ան Նուսրա» եւ ԻՊ ահաբեկչական խմբավորումների գրոհայինները:
