ԱՄՆ կողմից միջազգային պատժամիջոցների վրա շեշտադրում անելը՝ ի վնաս դիվանագիտական քայլերի, չի օգնի Կորեական թերակղզում խնդիրների լուծմանը: Այս մասին ասված է Ռուսաստանի ԱԳՆ տեղեկատվության դեպարտամենտի մեկնաբանության մեջ, որը հրապարակվել է Հյուսիսային Կորեայի վերաբերյալ ՄԱԿ-ի Անվտանգության խորհրդի նոր բանաձեւի ընդունման հետ կապված:
«Կրկին ստիպված եմ ընդգծել, որ Վաշինգթոնի կողմից լայնածավալ միջազգային պատժամիջոցները՝ ի վնաս կայուն քաղաքական, դիվանագիտական լուծումների փնտրուքի, չի նպաստելու այդ տարածաշրջանում կուտակված խնդիրների լուծմանը եւ մթնոլորտի նորմալացմանը»,-ասված է փաստաթղթում:
Նշենք, որ դեկտեմբերի 22-ին ՄԱԿ-ի ԱԽ-ն միաձայն բանաձեւ է ընդունել, որով խստացրել է Հյուսիսային Կորեայի նկատմամբ պատժամիջոցները: Այսպես միջազգային հանրություն արձագանքել է նոյեմբերի 29-ին Հյուսիսային Կորեայի կողմից բալիստիկ հրթիռներ արձակելուն:
