Հայաստանի Հանրապետության եւ Եվրոպական միության միջեւ համապարփակ եւ ընդլայնված գործընկերության համաձայնագրի շութափույթ վավերացումը չափազանց կարեւոր է:
Այս մասին դեկտեմբերի 26-ին լրագրողների հետ հանդիպման ժամանակ հայտարարել է «Եվրոպական ինտեգրացիա» հասարակական կազմակերպության վարչության անդամ Աննա Կարապետյանը:
Վերջինիս խոսքով՝ դա կարեւոր է համաձայնագրում ներկայացված կետերի շութափույտ իրականացման առումով. «Հայաստանն իր հերթին քաղաքական կամք է դրսեւորում: Դրա ապացույցներից կարելի է համարել այն, որ ՀՀ նախագահը արդեն ստորագրել է հրամանագիր, որով միջգերատեսչական հանձնաժողով է ձեւավորվել, որը եւ կզբաղվի այս համաձայնագրի իրականացմամբ», - ասել է Կարապետյանը` հավելելով, որ հայկական կողմը այդպիսով մեկ բան է ցույց տալիս. իր կողմից նա արել է ամեն բան համապատասխան գործընթացների մեկնարկի համար:
Հիշեցնենք, որ Հայաստանի Հանրապետության եւ Եվրոպական միության միջեւ համապարփակ եւ ընդլայնված գործընկերության համաձայնագիրը ստորագրվել է 2017 թվականի նոյեմբերի 24-ին Բրյուսելում: