ԱՄՆ նախագահ Դոնալդ Թրամփն ամեն ջանք գործադրել է Իրանի հետ միջուկային համաձայնագրի տապալման համար, սակայն նրա փորձերը ձախողվել են: Այդ մասին հայտարարել է Իրանի նախագահ Հասան Ռոհանին, հաղորդում է «ՌԻԱ Նովոստի»-ն:
«Պարոն Թրամփը տարվա ընթացքում դեռ մինչեւ իր ընտրվելը բոլոր ջանքերը գործադրեց Իրանի հետ միջուկային գործարքը տապալելու համար: Սակայն դա նրան չհաջողվեց»,-ասել է Ռոհանին: Նախագահի ելույթը հեռարձակվել է Press TV հեռուստաալիքով:
Իրանի նախագահը հավելել է, որ Թրամփի՝ գործարքի տապալման փորձերի ձախողումը ապացուցում է «միջազգային պայմանավորվածությունների հաջողությունը»: «Սա նշանակում է, որ միջազգային պայմանավորվածությունները հաջողված էին: Սա նշանակում է, որ իրավունքը գերակայում է բռնապետությանը: Ամերիկացիներիը չկարողացան իրենց կամքը պարտադրել․․․անտեսել հասարակական կարծիքը»,-եզրափակել է Ռոհանին:
Ավելի վաղ Իրանի ԱԳՆ-ն հայտարարել էր, որ Թեհրանը միջոցներ կձեռնարկի եւ «պատշաճ կերպով կարձագանքի Միացյալ Նահանգների թշնամական գործողություններին»:
Թրամփը որոշել է երկարաձգել Իրանի պատժամիջոցների վերացման ռեժիմը