Հռոմի պապ Ֆրանցիսկոսը երկուշաբթի սկսում է Լատինական Ամերիկա այցը: Ացի պաշտոնական ժամանակագրության համաձայն՝ պապը նախ Չիլի կայցելի (հունվարի 15-18-ին), այնուհետեւ կլինի Պերուում՝ մինչեւ հունվարի 21-ը, փոխանցում է «ՌԻԱ Նովոստի»-ն:
Ֆրանցիսկոսը մտադիր է Չիլիում այցելել մայրաքաղաք Սանտյագո, Տեմուկո եւ Իկիկե քաղաքներ, հանդիպել երկրի նախագահ Միշել Բաչելետի հետ: Պերուում նա կլինի Լիմայում, Պուերտո Մալդոնադոյում, Տրուխիլդոյում:
Հնարավոր է, որ Ֆրանցիսկոս պապը Չիլի այցի ընթացքում հանդիպի Աուգուստո Պինոչետի ռազմական խունտայի գործողություններից տուժածներին, որը երկիրը կառավարել է 1973-ից 1990 թվականներին:
Չիլի այցը սկսելուց առաջ անհայտ անձինք հարձակվել էին մի քանի կաթոլիկ տաճարների վրա՝ ի նշան բողոքի երկիր Հռոմի պապի այցի դեմ: Չիլիի ՆԳՆ-ն հայտարարել է չիլիական հողում գտնվելու ժամանակ Ֆրանցիսկոսի համար սպառնալիքի բացակայության մասին:
Սա Լատինական Ամերիկայի երկրներ պապի արդեն 6-րդ այցելությունն է: Ուշագրավ է, որ այս անգամ նա իր հայրենիք Արգենտինա չի այցելում: Սակայն Չիլիի իշխանությունները հարեւան Արգենտինայից ուխտավորների մեծ հոսք են սպասում, ինչի հետ կապված սահմանին անվտանգության ուժեղացված միջոցառումներ են ձեռնարկում:
