Volvo ընկերությունը էլեկտրական ուղեւորատար ավտոբուսների փորձարկման համար ընտրել է Սինգապուրը: Փորձարկումները կանցկացվի 2019 թվականին՝ Նանյանի տեխնոլոգիական համալսարանի հետ համատեղ, հաղորդում է Hichtech-ը:
Սա կլինի Volvo-ի առաջին արտադրանքը անօդաչու ուղեւորատար տրանսպորտի ոլորտում:
40 տեղանոց Volvo 7900 էլեկտրաբուսը հագեցված կլինի GPS-ով եւ խոչընդոտների հայտնաբերման լիդարով, ինչպես նաեւ՝ ներկառուցված նավիգացիոն համակարգով:
Ավտոբուսների փորձարկումները կսկսվեն 2019 թվականի սկզբին համալսարանի փորձարկման կենտրոնում, որն իրենից Սինգապուրի իրական ճանապարհային պայմանների կրկնօրինակ է ներկայացնում եւ հագեցված է անձրեւի եւ ջրհեղեղի սիմուլյատորով, որպեսզի հնարավոր լինի փորձարկել տրանսպորտային միջոցի հնարավորությունները տրոպիկական անձրեւների պայմաններում:
