Համացանցում է հայտնվել թունավոր օձի հետ ջրագռավի մահացու մենամարտը: Կադրերը հաջողել է նկարահանել ավստրալացի Ալեքսիս Կեկլիկուն, փոխանցում է «ՌԻԱ Նովոստի»-ն:
«Ես շան հետ զբոսնում էի եւ ջրագռավին տեսա կտուցով օձին պահած: Ես կռահեցի, որ դա բծավոր շագանակագույն օձ է, շատ թունավոր սողուն»,- ասել է հոլովակի հեղինակը:
Տեսանյությում օձը փորձում է ազատվել ծովային թռչունի կտուցից, եւ ինչ-որ վայրկյանի նրան դա հաջողվում է, սակայն ջրագռավը ճարպկորեն որսում է սողունին: Այնուհետեւ թռչունն առանց ձեւականությունների կուլ է տալիս դեռեւս ողջ վտանգավո օձին եւ իրեն թափահարելով ծովն է մտնում:
