«Միայն 2 պետությունների՝ Երուսաղեմի հետ կապված սկզբունքը թույլ կտա կարգավորել մերձավորարեւելյան հակամարտությունը: Այս մասին հունվարի 22-ին ԱԳ նախարարների մակարդակով ԵՄ Խորհդի նիստին ժամանելով հայտարարել է ԵՄ արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին, փոխանցում է ՏԱՍՍ-ը:
«Այո՛, Երուսաղեմի շուրջ իրավիճակը բարդ է մնում: Եվրամիությունը շարունակում է հավատալ, որ միայն 2 պետությունների՝ մայրաքաղաք Երուսաղեմի հետ կապված սկզբունքը թույլ կտա ուղիղ բանակցությունների ճանապարհով կարգավորել մերձավորարեւելյան հակամարտությունը: Մենք կշարունակենք այս հարցով աշխատել մեր ամերիկացի գործընկերների հետ, մասնավորապես՝ Մերձավոր Արեւելքի հարցով միջնորդների քառյակի շրջանակում»,- ասել է նա:
Մոգերինին հավելել է, որ ԵՄ անդամ երկրների ԱԳ նախարարները հանդիպում կունենան նաեւ Պաղեստինի ինքնավարության ղեկավար Մահմուդ Աբասի հետ, որը կլիրակի Բրյուսել իր այցի նախաշեմին Եվրամիությանը կոչ էր արել Պաղեստինը ճանաչել՝ ի պատասխան Իսրայելում իր դեսպանատունը Երուսաղեմ տեղափոխելու ԱՄՆ որոշման: