Մոսկվայի դատարանը բավարարել է ՌԴ արդարադատության նախարարության հայցն ընդդեմ «Տարվա հինգերորդ եղանակ» հիմնադրամի, որն ապահովում էր ընդդիմադիր գործիչ Ալեքսեյ Նավալնիի շտաբի գործունեությունը:
Ավելի վաղ ՌԴ արդարադատության նախարարության ներկայացուցիչը դատարանում հայտնել էր, որ «Տարվա հինգերորդ եղանակը» բիթքոիններով է ֆինանսավորել Ալեքսեյ Նավալնիի նախընտրական քարոզարշավը: Նախարարության ներկայացուցիչը, սակայն, չի նշել, թե կոնկրետ քանի բիթքոին է հաջողվել հավաքել, փոխանցում է «ՏԱՍՍ»-ը:
Նշվում է, որ անցկացված ստուգումների արդյունքում ՌԴ արդարադատության նախարարությունը մի շարք խախտումներ է հայտնաբերել հիմնադրամի գործունեության մեջ:
