Նոր Զելանդիայում մահացել է մոլորակի ամենամիայնակ թռչունը՝ Նայջել անունով խոլահավը, գրում է «Լենտա»-ն՝ վկայակոչելով Metro-ն: Նայջելը երեք տարի մենության մեջ ապրել է Մանա կղզում: Նրան շրջապատել են միայն թռչունների բետոնե կրկնօրինակները. տեղական իշխանությունները տեղադրել էին արձանիկները խոլահավերին գրավելու համար, որոնք ինչ-ինչ պատճառներով հեռացել էին կղզուց: Երբեմն խոլահավերը թռչում էին արձանիկների մոտ, սակայն, հասկանալով, որ դրանք կենդանի չեն, լքում էին վայրը:
Եւ միայն Նայջելն էր մնացել կղզում երկար ժամանակով, քանի որ սիրահարվել էր արձանիկներից մեկին: Նա բետոնե թռչնի համար բույն էր հյուսել և հոգ էր արձանե խոլահավի համար: Դեկտեմբերին եւս երեք խոլահավ էր թռչել կղզի, սակայն Նայջելը նախընտրել էր ժամանակ անցկացնել իր բետոնե ընկերների հետ: Հավանաբար նրան ուղղակի չէին ընդունել երամ:
