Կինը, որը հունվարին ԱՄՆ Հետախուզության դաշնային բյուրոյին հեռախոսով նախազգուշացրել էր փետրվարի 14-ին Ֆլորիդայի նահանգի դպրոցում կրակ բացած Նիկոլաս Քրուզի կողմից հանրությանը սպառնացող վտանգի մասին, վստահ է եղել, որ նա վաղ թե ուշ բռնության կիրառմամբ ինչ–որ հանցագործություն կգործի, փոխանցում է The New York Times թերթը։
Կինը հեռախոսային խոսակցության ժամանակ հայտնել է, որ շատ անհանգստացած է Քրուզի պահվածքով եւ հոգեկան վիճակով։ Նրա խոսքով, 19-ամյա երիտասարդը մտավոր զարգացվածությամբ համապատասխանում է 12 կամ 14 տարեկանին եւ ցանկանում է ինքնասպան լինել որդեգիր մոր մահվանից հետո։ Նա նաեւ հաղորդել է, որ Քրուզը սպանություն գործելու ցանկություն է հայտնել եւ գնում է հրազեն եւ այլ զինամթերք։
Նա մտահոգություն է հայտնել, որ երիտասարդը «դպրոց կգնա եւ կրակ կբացի»։ Կինը ընդգծել է, որ Քրուզը հատկապես դաժանություն է ցուցաբերում կենդանիների նկատմամբ եւ նրան բնութագրական է ագրեսիվ վայրկենական բռնկումները։ Նա հավելել է, որ երիտասարդը «խոսում է ԻՊ–ի» մասին եւ հետաքրքրվում արաբերենով։
Հիշեցնենք, որ փետրվարի 14-ին Ֆլորիդայի դպրոցներից մեկում 19-ամյա Նիկոլաս Քրուզը կրակ էր բացել աշակերտների ու ուսուցիչների վրա AR-15 հրազենով, որը ամերիկյան ոստիկանությունն է գործածում ու որը վաճառվում է որսորդական խանութներում։ Հրաձգության հետեւանքով 17 մարդ էր զոհվել։
Մահապատժից խուսափելու համար Ֆլորիդայի հրաձիգը պատրաստ է գործարք կնքել քննիչների հետ
Թրամփն այցելել է Ֆլորիդայի դպրոցում հրաձգության հետեւանքով տուժածներին
Հրաձգություն Ֆլորիդայի դպրոցներից մեկում. զոհվել է 17 մարդ
Ի՞նչ է հայտնի Ֆլորիդայի հրաձիգի մասին