Ամերիկյան Փարքլենդ (Ֆլորիդա նահանգ) քաղաքի դպրոցում կրակ բացած Նիկոլաս Քրուզը մտադիր է քննիչների հետ գործարքի գնալ եւ դատարանում ճանաչել իր մեղքը, որպեսզի խուսափի մահապատժից, հաղորդում է NBC հեռուստաընկերությունը։
Քրուզի փաստաբանները նախատեսում են դատախազների հետ քննարկել գործարքի հնարավորությունը, որը ենթադրում է նրա կողմից մեղքի ճանաչում ցմահ դատապարտման դիմաց՝ առանց ժամանակից շուտ ազատ արձակվելու հնարավորությամբ։
Նշենք, որ Քրուզին մեղադրանք է առաջադրվել 17 կետով դիտավորյալ սպանության համար։ Դեռեւս փաստաբանները պաշտոնապես գործարք կնքնելու մտադրություն չեն հայտնել, սակայն փաստաբանները համոզված են, որ հենց այդպես էլ կլինի։
Հիշեցնենք, որ փետրվարի 14-ին Ֆլորիդայի դպրոցներից մեկում 19-ամյա Նիկոլաս Քրուզը կրակ էր բացել աշակերտների ու ուսուցիչների վրա AR-15 հրազենով, որը ամերիկյան ոստիկանությունն է գործածում ու որը վաճառվում է որսորդական խանութներում։ Հրաձգության հետեւանքով 17 մարդ էր զոհվել։
Թրամփը այցելել է Ֆլորիդայի դպրոցում հրաձգության հետեւանքով տուժածներին