ՌԴ նախագահի թեկնածու Քսենիա Սոբչակի վրա հարձակված տղամարդու դեմ մանր խուլիգանության հոդվածով գործ է հարուցվել, հաղորդում է ՌԴ ՆԳՆ քաղաքային ղեկավարը, հայտնում է «ՌԻԱ Նովոստին»:
«2018 թվականի մարտի 4-ին Լենինգրադյան պողոտայի 40-րդ տան մոտ նախագահի թեկնածու Քսենիա Սոբչակի դեմքին ջուր լցրած քաղաքացու նկատմամբ վարչական իրավախախտման վերաբերյալ գործ է հարուցվել՝ Ռուսաստանի Դաշնության վարչական իրավախախտումների վերաբերյալ օրենսգրքի «մանր խուլիգանություն» 20.1 հոդվածով»,-նշվում է հաղորդագրության մեջ:
Կիրակի Սոբչակի շտաբը հաղորդել էր, որ տղամարդը նրա վրա ջուր է լցրել ասելով՝ «Սա Ժիրինովսկու համար»:
Ըստ շտաբի՝ հարձակվողը Ալան Դզուցեւ անունով տղամարդ է, որ Մոսկվայի քաղաքային դումայի նախագահ Ալեքսեյ Շապոշնիկովի օգնականն է:
Մոսկվայի քաղաքային դումայի խոսնակի մամուլի քարտուղարը հաղորդել է, որ Սոբչակի վրա հարձակվողը Շապոշնիկովի պաշտոնական օգնականը չէ: