Միավորված ազգերի կազմակերպությունում Բրիտանիայի մշտական ներկայացուցիչ Ջուլիան Բրեյթուեյթը ԳՀՎ նախկին գնդապետ Սերգեյ Սկրիպալի թունավորման կապակցությամբ մեղադրել է Ռուսաստանին ՄԱԿ-ի կանոնադրության եւ քիմիական զենքի արգելման մասին կոնվենցիան խախտելու համար, հաղորդում է «Ինտերֆաքսը»:
«Դա սովորական հանցագործություն չէր: Դա ոչ իրավազոր ուժի կիրառոմ էր, միջազգային օրինական կարգի հիմքի՝ ՄԱԿ-ի կանոնադրության 2-րդ հոդվածի խախտում», - ելույթ ունենալով Անվտանգության խորհրդի արտակարգ նիստում՝ ասել է նա:
Մեծ Բրիտանիայի մշտական ներկայացուցիչը նաեւ մեղադրել է Ռուսաստանին քիմիական զենքի արգելման մասին կոնվենցիան խախտելու համար, ասելով, որ Սկրիպալին թունավորելու համար օգտագործվել է «Նովիչոկ» նյարդային թույնը: «Ռուսաստանը 2017 թվականի սեպտեմբերին հայտարարեց քիմիական զենքի պաշարների ոչնչացման մասին, տաս տարի ուշ, քան պահանջվում էր կոնվենցիայով (....): Ռուսաստանը չէր հայտնել «Նովիչոկ» նյարդային թույնի մասին, ինչպես նաեւ դրա հետ կապված արտադրության մասին»,-ասել է նա:
«Նույնիսկ այսօր, ռուս քաղաքական գործիչները պնդում են, որ իրենք ամբողջովին ոչնչացրել են նյարդակաթվածային «Նովիչոկ» թույնը: Մենք կարող ենք եզրակացնել, որ Ռուսաստանը լրջորեն խախտում է Քիմիական զենքի արգելման մասին կոնվենցիան` առանց տեղեկացնելու «Նովիչոկ» նյարդային թույնի ստեղծման ծրագրի մասին:
