Պեկինը ԳՀՎ նախկին գնդապետ Սերգեյ Սկրիպալի եւ նրա դստեր թունավորման գործով օբյեկտիվ եւ անկախ հետաքննություն է ակնկալում, ինչպես նաեւ, որ այն հիմնված կլինի փաստերի վրա: Այս մասին ՄԱԿ ԱԽ նիստում ասել է ՄԱԿ-ում Չինաստանի մշտական ներկայացուցիչ Մա Չժաոսյուն, հաղորդում է ՏԱՍՍ-ը:
«Հուսով ենք, որ միջազգային նորմերին համապատասխան, փաստերի վրա հիմնված, ամբողջական, օբյեկտիվ եւ անկախ հետաքննություն կկատարվի», - ասել է նա:
Հիշեցնենք, որ Մեյը Սկիրպալի հարձակման գործում ՌԴ-ին է մեղադրել: Այսօր նա հայտարարել է, որ Բրիտանիան 23 ռուս դիվանագետների կարտաքսի, կկանգնեցնի Մոսկվայի հետ երկկողմ հարաբերությունները, կսառեցնի որոշ ռուսական պետական ակտիվներ: Բաց այդ, Բրիտանիայի կառավարությունից եւ թագավորական ընտանիքից ոչ ոք չի գնալու ՌԴ-ում անցկացվող Ֆուտբոլի աշխարհի առաջնությանը:
Մարտի 4-ին ԳՀՎ 66-ամյա նախկին գնդապետ Սերգեյ Սկրիպալը եւ նրա 33-ամյա դուստր Յուլիան ենթարկվել են անհայտ նյարդային թույնի ազդեցության: Նրանց անգիտակից վիճակում գտել էին Սոլսբերիի The Maltings առեւտրի կենտրոնի նստարանին:
Երկուսն էլ այժմ ծայրահեղ վիճակում հիվանդանոցում են գտնվում: 2004-ին Սկրիպալը կալանավորվել էր Ռուսաստանի Դաշնային անվտանգության ծառայության կողմից, այնուհետեւ դատապարտվել 13 տարվա ազատազրկման` պետական դավաճանության համար՝ զրկելով բոլոր կոչումներից եւ մրցանակներից: 2010-ին լրտեսության մեղադրանքով ձերբակալված անձանց փոխանակման շրջանակներում նա փոխանցվեց ԱՄՆ-ին: Նույն թվականին նախկին ԳՀՎ գնդապետը Մեծ Բրիտանիա տեղափոխվեց:
Սկրիպալին թունավորած նյարդային թույնի փորձաքննության համար Բրիտանիան դիմել է ՔԶԱԿ-ին
Նիկի Հեյլին Սերգեյ Սկրիպալի թունավորման մեջ մեղադրել է Ռուսաստանին
«Նովիչոկ» նյարդային թույնի ստեղծողներից Վիլ Միրզայանովը ներողություն է խնդրել Սկրիպալից
