Ուղղակի ներդրումների ռուսական հիմնադրամը (ՈւՆՌՀ) եւ Թուրքական ինքնիշխան հիմնադրամը (ԹԻՀ) համաձայնության են եկել համագործակցության եզրափակիչ պայմանների շուրջ եւ հայտարարում են Ռուս-թուրքական ներդրումային հիմնադրամի ստեղծման մասին: Ինչպես նշվում է ՈւՆՌՀ-ի հաղորդագրության մեջ, այսօր Անկարայում ստորագրվել է համապատասխան համաձայնագիրը Ռուսաստանի նախագահ Վլադիմիր Պուտինի եւ Թուրքիայի նախագահ Ռեջեփ Թայիփ Էրդողանի ներկայությամբ, հաղորդում է ՏԱՍՍ-ը:
Ըստ ձեռք բերված պայմանավորվածությունների՝ ՈւՆՌՀ-ի եւ ԹԻՀ-ի ներդրումը համատեղ հիմնադրամում կկազմի 500 միլիոն դոլար յուրաքանչյուր կողմից: Ներդրումները կուղղվեն դեպի գրավիչ ներդրումային նախագծեր, որոնք կնպաստեն Ռուսաստանի եւ Թուրքիայի միջեւ առեւտրատնտեսական եւ ներդրումային համագործակցության ամրապնդմանը: Մասնավորապես, կողմերը կկենտրոնանան ենթակառուցվածքների, առողջապահության եւ տեղեկատվական տեխնոլոգիաների ոլորտների վրա:
