ԱՄՆ-ի ռազմածովային ուժերի հերթական պարեկային հականավակային P-8A Poseidon ինքնաթիռը Սիրիայի ափ է ուղեւրովում, որտեղ տեղակայված են ռուսական Խմեյմիմ ավիաբազան եւ Ռուսաստանի ռազմածովային նավատորմի նյութատեխնիկական ապահովման բազան: «Ինտեֆաքսի» հաղորդմամբ՝ այս ամենը պարզ է դառնում արեւմտյան ավիացիոն ռեսուրսների մոնիթորինգի տվյալներից:
Ըստ այդ տվյալների՝ Սիցիլիա իտալական կղզու վրա գտնվող Սիգոնելա օդանավակայանից մեկնած 168998 համարով ԱՄՆ-ի ծովային հետախույզը ակնկալվում է, որ երկարատեւ թռիչքներ կիրականացնի Սիրիայի ափին գտնվող ռուսական ռազմակայանների մոտ:
Ինչպես հաղորդվել էր, չորեքշաբթի ԱՄՆ-ի երկու նմանատիպ 168431 եւ 168439 համարներով ինքնաթիռներն արդեն Սիրիայի ռուսական ռազմակայանների մոտ թռիչքներ են իրականացրել:
Թուրքական ԶԼՄ-ների տվյալներով՝ ներկայումս Տարտուսում ռուսական ռազմածովային բազայից 100 կմ հեռավորության վրա գտնվում է ԱՄՆ-ի ռազմածովային ուժերի էսմինեցը, որը հագեցած է 56 «Տոմագավկ» թեւավոր հրթիռներով: Ֆրանսիական ԶԼՄ-ների տվյալներով, դրան ուղեկցում է ֆրանսիական նավատորմի «Ակիտեն» բազմաթիրախային հրթիռային ֆրեգատը: Բացի դրանից, Սիրիայի ափի մոտ է նաեւ գերմանական ֆրեգաթը:
Չորեքշաբթի ԱՄՆ նախագահ Դոնալդ Թրամփը խորհուրդ տվեց Ռուսաստանին պատրաստվել Սիրիայում ամերիկյան հրթիռային հարձակմանը: «Ռուսաստանը խոստանում է կործանել Սիրիայի ուղղությամբ արձակված ցանկացած եւ բոլոր հրթիռները: Պատրաստվիր Ռուսաստան, քանի որ դրանք (հրթիռներ ) ճանապարհին են, լավ, նոր եւ խելացի», - Twitter-ում գրել էր նա:
