Երկու պետությունների ստեղծումը պաղեստինյան խնդրի լուծման հիմքն է, եւ Եվրամիությունը կշարունակի աշխատել այդ պլանի իրականացման վրա: Այս մասին, ինչպես հաղորդում է «ՏԱՍՍ»-ը, կիրակի օրը Արաբական պետությունների լիգայի գագաթնաժողովի ժամանակ հայտարարել է ԵՄ Արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին: Սաուդյան Դահրան քաղաքից հեռարձակումն իրականացվում է Sky News Arabia հեռուստաալիքով:
«Եվրամիությունը չի դադարեցնի երկու պետություն ստեղծելուն ուղղված իր ջանքերը, ինչը պաղեստինյան խնդրի լուծման հիմքն է», - ասել է եվրոպացի ներկայացուցիչը:
Վերջում եվրոպական դիվանագիտության ղեկավարը ընդգծել է Մերձավոր Արեւելքում խաղաղության հաստատման համար Եվրոպայի եւ արաբական երկրների միջեւ համակարգման անհրաժեշտությունը: