2016 թվականի ապրիլի 2-ին ժողովրդական համախմբումը եւ երեկվա առավոտվա երիտասարդության բազմահազարանոց համախմբումը իմ մեջ պարծանք է առաջացնում, որ մեր ժողովուրդը երբ մի բանի հավատում է, կարող է ֆանտաստիկ բաներ իրականացնել: «Ելք» խմբակցության պատգամավորԱրտակ Զեյնալյանը:
Նրա խոսքով, հենց դրա համար են կարեւորում լեգիտիմությունը եւ հավատը սեփական իշխանության հանդեպ: «Սա արժեք է եւ դրա համար ենք խոսում լեգիտիմ իշխանության մասին, ընտրակաշառքով խորհրդարանական մեծամասնություն ձեւավորելու անթույլատրելիության մասին: Սա հերքելը տեղին չէ եւ չի նպաստում վստահության աճին:
Վերջին ԱԺ ընտրությունների ժամանակ կրկնակի քվեարկության դեպքեր չեն հայտնաբերվել, բայց ընտրակաշառքի, վարչական ռեսուրսի վերաբերյալ մեր պնդումները չեն հերքվել եւ մեր պնդումներն են հասարակության մոտ ընկալվում որպես ճշմարտություն»,-ասաց Զեյնալյանը:
Հա հիշեցրեց դպրոցի տնօրենների կողմից վարչական ճնշում գործադրելու մասին հրապարակված փաստերը՝ հավելելով, որ այդ տասնյակ փաստերը ընդամենը օրինակներ են:
«ՀՀԿ-ականների թիվը հասարակության մեջ 5 տոկոս է, իսկ ուսուցիչների շրջանում այդ ցուցանիշը 90 տոկոսի է հասնում: Սա խոսում է երկրում խտրականության մասին:
Խտրական է, որ մարդիկ քաղաքական հայացքների համար անգամ պատժի են ենթարկվում»,-ընդգծեց Զեյնալյանը:
Վերջուն նա նաեւ հարց ուղղեց Սերժ Սարգսյանին. «2008 փետրվար-մարտին եղել եք վարչապետ, ձեզ է ենթարկվել ազգային անվտանգությունը. ո՞վ է իրավունք տվել մարտի 1-ին հրազեն կիրառել ու խոցել ցուցարարներին»:
- Թվարկեք նաեւ այն խոստումները, որոնք կատարվել են. Արփինե Հովհաննիսյանն՝ ընդդիմությանը
- Մենք այսօր պատերազմի նոր փուլ ենք հայտարարում անարդարությանը. Աղվան Վարդանյան
- Մենք Հայաստանում ունենք ֆեյք պաշտոնյաներ. Էդմոն Մարուքյան
- Առնվազն 100 հազարների կարող ենք համոզել ներգաղթել Հայաստան. Սերժ Սարգսյան
- Ընթանում է ԱԺ հատուկ նիստը. օրակարգի միակ հարցը վարչապետի ընտրությունն է (ուղիղ)
- Մենք ցանկանում ենք երկրի ղեկին տեսնել հենց նման մարդու. Վահրամ Բաղդասարյանը ներկայացրեց Սերժ Սարգսյանի թեկնածությունը
- Անվտանգությունը շարունակելու է մնալ թիվ մեկ գերակայությունը. Սերժ Սարգսյան