News
Լրահոս
News
Երեքշաբթի
Հոկտեմբեր 23
Տեսնել լրահոսը

Ցուցարարները մոտ 40 րոպե առաջ փակել են Երեւանի Վ. Բրյուսովի անվան պետական լեզվաբանական համալսարանի մոտ գտնվող Սարյան-Թումանյան եւ Մոսկովյան-Թումանյան փողոցների խաչմերուկները։ Նրանք քաղաքային նստարաններ ու «Սանիթեք»-ի աղբամաններ էին բերել փողոցը փակելու համար:

Ոստիկանությունը բեռնատար է բերել արգելափակված փողոցների աղբամաններն ու նստարանները հեռացնելու համար, սակայն բեռնատարի բանալիներն անհետացել են, հավանաբար ուսանողներին է հաջողվել պահել դրանք: Այդուհանդերձ, ոստիկաններին հաջողվեց հեռացնել արգելապատնեշը եւ բացել ճանապարհը: Նրանք ճանապարհը փակած մեքենաների վարորդներին սպառնում էին մեքենանենրը դուրս բերել քարշակի օգնությամբ:

Ցուցարարների հիմնականում Բրյուսովի անվան համալսարանի ուսանողներ են եւ քաղաքի այլ հատվածներից նրանց միացած ակտիվիստներ։

Բացի այդ, Ազատության պողոտայում թիվ 1 երթուղին սպասարկող վարորդներից մեկին ոստիկանության ծառայողները կանգնեցրել են, իջեցրել ուղևորներին և սկսել քաղաքացիներին բաժին տեղափոխելու նպատակով բռնի տեղափոխել ավտոբուս:

 Ավտոբուսի վարորդը հրաժարվեց տեղափոխել բերման ենթարկվածներին: Ոստիկանները նրա ձեռքից վերցրին բանալիներն ու բերման ենթարկվածներին տեղափոխեցին քաղաքային տրանսպորտով:

Նշենք, որ Երեւանում մռայլ եղանակ է, քաղաքի որոշ հատվածներում անձրեւ է գալիս:

Նախօրեին Նիկոլ Փաշինյանը հայտարարել էր, որ անցնում են ցանցային պայքարի եւ կաթվածահար պետք է անել երթեւեկությունը քաղաքի բոլոր փողոցներում:

Այսօր առավոտից քաղաքի տարբեր հատվածներում լարված իրավիճակներ է առաջանում ցուցարարների եւ ոստիկանների միջեւ. ակտիվիստները քաղաքի տարբեր փողոցներում փորձում են փակել փողոցները, այդ թվում մեքենաներով: Ոստիկանները արագ ժամանելով տվյալ վայրեր, փորձում են բացել փողոցները: Ոստիկանները, այդ թվում քաղաքացիական հագուստներով բերման են ենթարկում ցուցարարներին, ընդ որում, բերման են ենթարկում ոչ ոստիկանական մեքենաներով:

Նշենք, որ առավոտից փակվել-բացվել են մասնավորապես, Գյուլբենկյան փողոցը, Կոմիտասի պողոտան, Մաշտոցի պողոտան, Դավիթաշենի կամուրջը, Եղվարդի մայրուղին, Գրիգոր Լուսավորիչ փողոցը, Ազատուիթյան պողոտան, Արշակունյաց պողոտան, Երեւան-Աբովյան ճանապարհը, Վարդանանց փողոցը, կորյուն փողոցը, Պուշկին փողոցը եւ այլն:

Ժամը 13-ի դրությամբ բերման ենթարկվածների թիվը հասնում է 107-ի:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
101-րդ օրվա անելիքը. հանել ուժայիններին բիզնեսից, ամրացնել կենտրոնացված կառավարումը եւ չբարիկադավորվել
Վերադարձ հնին հնարավոր չէ, բայց ապագայի տարբերակները շատ են…
Որոշվել է սեղմ ժամկետներում կասեցնել ԵԿՄ նախագահ Մանվել Գրիգորյանի լիազորությունները. ԵԿՄ փոխնախագահ
ԵԿՄ ազատամարտիկներն ու ԵԿՄ վարչության անդամները խստորեն դատապարտում են տեղի ունեցած...
Արտակ Մանուկյանը նշանակվել է վարչապետի խորհրդական
Ամեն ինչ կանեմ, որ արդարացնեմ ու արժանի լինեմ նման վստահությանը։ Ծառայում եմ Հայաստանի Հանրապետությանը...
Սուպերվարչապետությունը պետք է վերանա, բայց դա չի նշանակում, որ իշխանությունը պետք է հավասար բաշխվի. ՀՀ վարչապետ
Հայաստանում էլ իշխանությունը երբեք հավասար բաշխված չի լինելու, որովհետեւ պետք է հստակ լինի, թե ով է իշխանության պատասխանատուն…
Ժողովուրդն իր հաղթանակը չի կորցնի. Փաշինյանը՝ արտահերթ ընտրությունների հնարավոր արդյունքների մասին
Ես համոզված եմ, որ ընտրությունների արդյունքում ժողովուրդը կտոնի իր հաղթանակը...
Անկախ նրանից, թե ինչ փաթեթավորմամբ հետ կկանգնենք ընտրական օրենսգրքից, դա կլինի նահանջ. Արփինե Հովհաննիսյան
Ընտրական օրենսգրքի ընդունումը պետք է լինի նույն ոճով ու ձեւաչափով, որով ընդունվել է ներկա ԸՕ-ն…
Partner news