Չինաստանի արտաքին գործերի նախարարության պաշտոնական ներկայացուցիչ Հուա Չունինը չորեքշաբթի ճեպազրույցի ժամանակ հաստատել է եւ չի հերքել տեղեկությունն այն մասին, որ Հյուսիսային Կորեայի առաջնորդ Կիմ Չեն Ընը կարող է հանդիպում ունենալ պաշտոնական այցով այդ երկիր ժամանած Չինաստանի պետական խորհրդի անդամ, Արտաքին գործերի նախարարության ղեկավար Վան Իի հետ, հաղորդում է ՏԱՍՍ–ը։
«Երկու կողմերը մտքեր կփոխանակեն թերակղզում իրավիճակի եւ երկկողմ հարաբերությունների մասին»,–նշել է նա։
Վան Իի այցն իրականացվում է մայիսի վերջին կամ հունիսի սկզբին նախատեսված Հյուսիսային Կորեայի առաջնորդ Կիմ Չեն Ընի եւ ԱՄՆ նախագահ Դոնալդ Թրամփի հանդիպման նախօրեին։
