ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկտոնին եւ Էնդրյու Շոֆերը, ԵԱՀԿ գործող նախագահի անձնական ներկայացուցիչ Անջեյ Կասպշիկի հետ մայիսի 15-ին հանդիպել են Ադրբեջանի ԱԳ նախարար Էլմար Մամեդյարովի հետ:
Նախարարը եւ համանախագահները քննարկել են խաղաղ գործընթացի առաջխաղացման տարբերակները: Այս մասին նշվում է համանախագահների հայտարարության մեջ:
Անձնական ներկայացուցիչը մասնակիցներին տեղեկացրել է շփման գծում համեմատաբար կայուն իրավիճակի մասին: Նախարար Էլմար Մամեդյարովը նշել է ակտիվ բանակցությունները հնարավորինս արագ վերսկսելու Ադրբեջանի պատրաստակամության մասին: Համանախագահները հունիսին ակնկալում են Հայաստանի նոր ղեկավարության հետ հանդիպել:
