Սանկտ Պետերբուրգում այսօր՝ մայիսի 22-ին կայացել է ԱՊՀ անդամ պետությունների անվտանգության մարմինների եւ հետախուզական ծառայությունների ղեկավարների Խորհրդակցության 15-րդ նիստը: Այս մասին տեղեկացնում է ՀՀ ԱԱԾ մամուլի ծառայությունը:
Աղբյուրի փոխանցմամբ՝ նիստին մասնակցել է նաեւ Հայաստանի վարչապետին կից Ազգային անվտանգության ծառայության պատվիրակությունը՝ ԱԱԾ տնօրեն, գնդապետ Արթուր Վանեցյանի գլխավորությամբ:
ԱՊՀ անվտանգության մարմինների ղեկավարների ձեւաչափով հանդիպումները կայանում են տարի մի անգամ։ Կառույցների ղեկավարները քննարկում են ահաբեկչության, կիբեռսպառնալիքների, կազմակերպված հանցավորության եւ այլ խնդիրների դեմ պայքարում փոխգործակցության մեխանիզմները։
