ԱՄՆ նախագահ Դոնալդ Թրամփը լավ նորություն է համարում ԿԺԴՀ-ից ստացված «ջերմ եւ արդյունավետ» հայտարարություն: Այս մասին նա ուրբաթ օրը գրել է իր Twitter-ի էջում, փոխանցում է «ՏԱՍՍ»-ը:
Very good news to receive the warm and productive statement from North Korea. We will soon see where it will lead, hopefully to long and enduring prosperity and peace. Only time (and talent) will tell!
— Donald J. Trump (@realDonaldTrump) 25 мая 2018 г.
«Շատ լավ լուր է ԿԺԴՀ-ից ջերմ եւ արդյունավետ հայտարարություն ստանալ: Շուտով մենք կտեսնենք, թե ինչի դա կհանգեցնի, հուսով եմ՝ խաղաղության երկարատեւ ու կայուն բարգավաճման: Միայն ժամանակն ու տաղանդը ցույց կտան»,- գրել է նա:
Ավելի վաղ, KCNA պետական լրատվական գործակալությունը հաղորդագրություն էր տարածել, որում նծվում էր, որ Հյուսիսային Կորեան «շատ է ափսոսում» ԱՄՆ նախագահ Դոնալդ Թամփի կողմից Կիմ Չեն Ընի հետ համատեղ գագաթնաժողովը հանկարծակի չեղարկելու մասին որոշման կապակցությամբ եւ կարծում է, որ Սպիտակ տան ղեկավարն այդ որոշումը կայացրել է «անվստահության կամ կամքի բացակայության պատճառով»:
