Ադրբեջանի ժողովուրդն այսօր ազատ հասարակությունում չի ապրում: Այս մասին իր The Hill կայքում հրապարակված իր հոդվածում գրել է կոնգրեսական Քրիս Սմիթը:
«Ալիեւը իր ժամկետը երկարաձգել է մինչեւ 2025 թվականը կեղծված նախագահական ընտրությունների շնորհիվ, որոնցում ոչ մի վստահելի մրցակից չկար: Իր հորից հետո, ով նախագահում էր Ադրբեջանում տասնամյակից ավելի, Ալիեւը համակարգային կերպով զավթում էր երկրի ինստիտուտները: Վերջին տարիներին նա վերացրել է խոչընդոտները դեպի ցմահ իշխանություն տանող ճանապարհին՝ հինգից յոթ տարի երկարաձգելով նախագահական ժամկետը եւ իր կնոջը նշանակելով անփոփոխ ժառանգորդ»,- գրում է հեղինակը:
Ըստ նրա, կառավարությունը պարբերաբար օգտագործում է հետապնդումը, բանտարկությունը եւ նույնիսկ խոշտանգումները՝ քաղաքական ընդդիմությանը ճնշելու համար: Ազգային ժողովում խոշոր ընդդիմադիր կուսակցությունից ոչ մի խորհրդական չկա: Նույնը դատական համակարգում: Հոդվածի հեղինակը վկայակոչում է իրավապաշտպաններին, որոնք հայտնում են Ադրբեջանում 140 խղճի բանտարկյալների մասին: «2017 թվականի սեպտեմբերին ես Ներկայացուցիչների պալատո մի օրինագիծ եմ ներկայացրել, որում Թրամփի ղեկավարությանն ուղղված կոչ է հնչում բարձրացնել այս հարցերը եւ առաջնահերթություն տալ մարդու իրավունքների եւ ժողովրդավարության խնդիրներին Ադրբեջանի հետ մեր երկկողմ հարաբերություններում:
Բանաձեւում կոչ է հնչում կառավարությանը արգելքներ սահմանել միջազգայնորեն ճանաչված մարդու իրավունքների կոպիտ խախտումների համար պատասխանատու ադրբեջանցի պաշտոնյաների ուղեւորությունների վրա եւ սառեցնել նրանց ակտիվները: Նա նաեւ առաջարկում է արգելել վիզաների տրամադրումը կրոնի ազատության խախտողներին, ինչպես դա նախատեսված է 1998 թվականին ընդունված Դավանության ազատության մասին միջազգային ակտով», - գրում է Սմիթը՝ հավելելով, որ Ադրբեջանի կառավարությունը ցանկանում է, որպեսզի ԱՄՆ-ն աչք փակի մարդու իրավունքների վրա` իրեն առաջարկելով որպես անվտանգության մասով գործընկեր:
Հեղինակը նշում է, որ նույն շաբաթը, երբ Ադրբեջանն անցկացրեց իր նախագահական ընտրությունները, հարեւան Հայաստանում ի հայտ եկավ խաղաղ անհնազանդության երիտասարդական շարժումը: Նրա խոսքո՝ քիչ հավանական է, որ Ադրբեջանը կկարողանա զսպել ալիքը, որը 2018 թվականին տասնյակ հազարավոր մարդկանց դուրս հանեց Հայաստանի փողոցներ եւ միանալ 2003 թվականի Վարդերի հեղափոխությանը Վրաստանում: