Ամերիկացի նկարիչ Դեվիդ Դաթունան ցանկանում է խաղարարար ինստալացիա տեղադրել ԿԺԴՀ-ի եւ Հարավային Կորեայի սահմանին, այժմ տեղադրման շուրջ բանակցություններ են ընթանում այդ երկրների ներկայացուցիչների հետ: Այս մասին պատմել է նկարիչը «ՏԱՍՍ»-ին տված հարցազրույցում:
Ավելի վաղ հայտնի էր դարձել, որ Դաթունան նոր ինստալացիա է պատրաստում, որը կհայտնվի Մոսկվայում եւ նվիրված կլինի աշխարհի գավաթին: Այս աշխատանքը առաջինը կլինի երեք ինստալացիաների շարքում. մյուս երկուսը կտեղադրվեն ԱՄՆ-ում եւ Կորեայում:
«Իմ գաղափարն այն է, որ ես ցանկանում եմ ինստալացիա տեղադրել ԿԺԴՀ-ի եւ Հարավային Կորեայի սահմանին, այսինքն՝ միաժամանակ երկու երկրների տարածքում: Սրանում է ամբողջ իմստը: Տեղադրել աշխատանքը նախատեսվում է այն տեղում, որտեղ հանդիպել են նախագահներ իմ Չեն Ընը եւ Մուն Չժե Ինը»,- ասել է Դաթունան:
Նա հավելել է, որ Հյուսիսային Կորեայում եւ Հարավային Կորեայում հավանություն են տվել այս գաղափարին: «Մենք կապի մեջ ենք այդ երկրների գործընկերների հետ, նրանք աջակցում են իմ գաղափարին: Ճիշտ այնպես, ինչպես՝ ԱՄՆ-ում, որտեղ նույնպես կտեղադրվի իմ ինստալացիան: Կարծում եմ, մենք կբացնեք այն ամռանը Նյու-Յորքում: Եվ ես ամբողջ սրտով կցանկանայի հրավիրել նախագահ Թրամփին եւ նախագահ Պուտինին իմ աշխատանքի բացմանը Մոսկվայում»,- ասել է Դաթունան: