News
Լրահոս
News
Շաբաթ
Մարտ 23
Տեսնել լրահոսը


Մանվել Գրիգորյանը չի ընդունում իր մեղքը, եւ որեւէ հիմք չեմ տեսնում ենթադրելու, որ «տուշոնկաների» հետ կապված պատմությունը մոտ լինի իրականությանը: Լրագրողների հետ զրույցում այս մասին հայտարարեց ԱԺ պատգամավոր, գեներալ Մանվել Գրիգորյանի պաշտպաններից Արսեն Մկրտչյանը:

Մանվել Գրիգորյանին պատկանող ամառանոցում եւ առանձնատանն ԱԱԾ աշխատակիցները բազմաթիվ իրեր էին հայտնաբերել՝ բանակի համար որպես օգնություն ստացված ամենագնացներ, շտապօգնության մեքենա, մեծ քանակությամբ զենք ու զինամթերք: Արսեն Մկրտչյանն ասաց՝ այդ մասին արդեն խոսել է: Հավելեց միայն, որ շատ բան որպես նվիրատվություն տրվել է ԵԿՄ-ին:

«Որքանով ես եմ տեղեկացված՝ եղել են նվիրատվություններ հենց ԵԿՄ-ին: Եվ եթե նվիրաբերողը ցանկություն է ունեցել, որ ձեւակերպումները լինեն այնպես, ինչպես եղել է, Մանվել Գրիգորյանին դրանում մեղադրելը ժամանակավրեպ է»,- հավելեց պաշտպանը:

Լրագրողները հարցրեցին, թե Մանվել Գրիգորյանը տեղյա՞կ է ԱԱԾ-ի հրապարակած տեսանյութի առնչությամբ հանրության եւ իր գործընկերների արձագանքին եւ ինչպե՞ս արձագանքեց:

«Մեկ բառով ասեմ՝ արձագանքը տղամարդկային էր: Ընդունեց, որ պետք է պայքարել, եւ նրանք, ովքեր բացասական են տրամադրված, պետք է առիթ ունենան համոզվելու, որ մեղսագրվող արարքներն իրականում չեն կատարվել կամ այն չեն, ինչ իրեն մեղսագրվում են: ԱԱԾ-ն եւ դատախազությունն այսօր արել են իրենց աշխատանքը: Մանվել Գրիգորյանի ցանկությունն է՝ թող քննվի եւ ամեն ինչ պարզաբանվի»,- նշեց Արսեն Մկրտչյանը:

Հարցին էլ, թե ԱԺ նախագահին ուղղված նամակում Մանվել Գրիգորյանը գրել է, որ կվերականգնի իր անունը, հակափաստարկներ ունի՞ դա անելու համար, պաշտպանը պատասխանեց. «Իմ գործը իրավաբանական օգնություն ցույց տալն է: Բայց մենք ունեցել ենք դեպքեր, երբ մի իշխանության օրոք կամ միջանձնյա հարաբերությունների արդյունքում հերոսները կամ, ամպագորգոռ չասեմ, պարզապես հաջողություն ունեցող մարդիկ հայտնվել են անհաջողության մեջ եւ դատարանի դռներն են ընկել: Եղել են դեպքեր, երբ մեղադրողները համոզված են եղել, որ մեղավոր են, եղել են դատապարտումներ, ազատազրկման մեծ ժամկետներ, հետագայում՝ եկող իշխանությունները կամ վերանայված դատական ակտերի արդյունքում մեղադրանքները փոխվել են: Չեմ կարծում, որ այս դեպքում այդպես չլինի»:

Հիշեցնենք, որ Երեւան քաղաքի ընդհանուր իրավասության դատարանի (Ավան եւ Նոր Նորքի նստավայր) հունիսի 19-ի որոշմամբ ԱԺ ՀՀԿ խմբակցության պատգամավոր, ԵԿՄ նախագահ Մանվել Գրիգորյանի նկատմամբ որպես խափանման միջոց ընտրվեց կալանավորումը: Ավելի վաղ Ազգային ժողովը համաձայնություն տվեց, որ Մանվել Գրիգորյանի նկատմամբ քրեական հետապնդում իրականացվի եւ նրա նկատմամբ կալանք կիրառվի:

Ավելի վաղ NEWS.am-ը հայտնել էր, որ Մանվել Գրիգորյանը ձերբակալվել է հունիսի 16-ին՝ Ազգային անվտանգության ծառայության խուզարկություններից հետո ապօրինի կերպով զենք եւ ռազմամթերք պահելու համար: Ազգային անվտանգության ծառայության նախօրեին տարածած տեսանյութի համաձայն, Հանրապետական պատգամավոր, գեներալ Մանվել Գրիգորյանի տանն ու նրան պատկանող տարածքներում հայտնաբերվել են մեծ քանակությամբ ռազմամթերք ու թանկարժեք մեքենաների հավաքածուներ, ինչպես նաեւ երկու տարի առաջ՝ ապրիլյան պատերազմի ժամանակ, բանակին որպես օգնություն ուղարկված շտապօգնության մեքենա, սնունդ, հագուստ ու այլ իրեր:

Տպել
Կարդացեք նաև
Ամբողջը
Աղջկան պաշտպանող հային մահացու վիրավորել են Սանկտ Պետերբուրգի սրճարանում
Երիտասարդը կարողացել է ինքնուրույն հասնել Սբ․ Գեորգիի հիվանդանոց․․․
Ուտրեխտի հրաձիգը պնդում է, որ միայնակ է գործել
Ինչ վերաբերում է այդ գործով նախկինում կալանավորված 40-ամյա տղամարդուն, ապա նա ազատ է արձակվել․․․
ԿԳՆ նախկին նախարարի վարորդը երեք տեղից 9 միլիոն դրամ աշխատավարձ է ստացել՝ աշխատանքի չգնալով
Պարզվել է նաև, որ պաշտոնեական դիրքն օգտագործելով, նախկին նախարարի վարորդին 2009-ից 2016 թվականները ․․․
Մաֆիան վրեժ կլուծի՞ Գամբինո ընտանիքի պարագլխի սպանության համար
Էնթոնի Կոմելոն աննախանձելի վիճակում է...
Զինված ու դիմակավորված ավազակային հարձակում Արմավիրում․ հնչել են կրակոցներ
Տանտերը տեղափոխվել է հիվանդանոց․․․
Երևանում դպրոցի բակից հիվանդանոց է տեղափոխվել դանակահարված երկու երիտասարդ
Ոստիկանները նշված դպրոցի բակում հայտնաբերել են արնանման հետքեր...