Հունիսի 23-ի գիշերը Դամա եւ Դեյր Դամի բնակավայրերի շրջակայքում «Ջեբհաթ ան Նուսրա» ահաբեկչական խմբավորման ավելի քան 1000 զինյալներ հարձակվել են Սիրիայի բանակի դիրքերի վրա: Այս մասին հաղորդում է ՏԱՍՍ-ը՝ հղում անելով Սիրիայում Պատերազմող կողմերի հաշտեցման կենտրոնին:
«Հունիսի 23-ի գիշերը դեէսկալացիայի Հարավային գոտու հյուսիս-արեւելքում՝ Դամա եւ Դեյր Դամի բնակավայրերի շրջակայքում, «Ջեբհաթ ան Նուսրա» ահաբեկչական խմբավորման ավելի քան 1000 զինյալներ հարձակվել են Սիրիայի արաբական բանակի 9-րդ տանկային դիվիզիայի ստորաբաժանման դիրքերի վրա: Այս պահին սիրիական զինծառայողները պաշտպանական մարտեր են մղում», - ասվում է հաղորդագրությունում:
Կառավարական զորքերից 5 մարդ սպանվել է, 19-ը՝ վիրավորվել: Ահաբեկիչների հարձակման հետեւանքով տուժել են այս բնակավայրերի բնակիչները:
