News
Լրահոս
News
Շաբաթ
Մարտ 23
Տեսնել լրահոսը

Մարդու իրավունքների պաշտպանությունը ԵՄ-ի կարեւորագույն խնդիրներից մեկն է: Այս մասին  մարդու իրավունքների վերաբերյալ հանրային քննարկումների ժամանակ հայտարարել է Հայաստանում ԵՄ պատվիրակության քաղաքական հարցերով, լրատվամիջոցների եւ տեղեկատվության բաժնի ղեկավար Եկատերինա Դորոդնովան: Քննարկումները կազմակերպվել են «Հանուն հավասար իրավունքների» հասարակական կազմակերպության կողմից ԵՄ-ի եւ Բաց հասարակության հիմնադրամի կողմից ֆինանսավորվող երկամյա ծրագրի շրջանակներում:

Սա կարեւոր է կազմակերպության բոլոր անդամների, ինչպես նաեւ գործընկեր երկրների եւ Եվրոպական կոնվենցիայի մասնակիցների համար: Նախեւառաջ, խոսքը մարդկային արժանապատվությունը նվաստացնող երեւույթների դեմ պայքարի մասին է, նշել է պատվիրակության ներկայացուցիչը: Կոնվենցիայի հետ մեկտեղ կան նաեւ այլ փաստաթղթեր եւ գործիքներ, որոնք կարող են օգտագործվել խոշտանգումների եւ նվաստացման կանխարգելման համար:

Ըստ նրա՝ Հայաստանի իշխանությունների հետ երկխոսությունը ամենամյա բնույթ է կրում, եւ Հայաստանը պատրաստ է հետագա քայլերին: «Ցանկանում եմ ընդգծել բոլոր դեմքերի քննության կարեւորությունը: Բացի այդ, համապատասխան դրույթներն ընդգրկված են Ընդլայնված եւ համապարփակ համագործակցության մասին համաձայնագրում, որը Հայաստանն արդեն իսկ վավերացրել է»,- ասել է նա՝ հավելելով, որ ԵՄ-ն մարդու իրավունքների պաշտպանության ոլորտում ֆինանսավորում է մի քանի ծրագիր, այդ թվում նաեւ՝ տարածաշրջանային ծրագրեր:

«Մենք ուրախ ենք, որ նոր կառավարությունն ավելի բաց է եւ կարեւորում է հանրության մասնակցությունը: Հասարակությունն իրավունք ունի իմանալ, թե ինչ է տեղի ունենում փակ դռների հետեւում: Մենք ակնկալում ենք, որ Հայաստանը կներդնի լավագույն համաշխարհային փորձը»,- եզրափակել է նա:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Հայաստանը գրեթե ոչ մի գլխացավանք չի ներկայացնում եվրոպական երկրների համար. Ավետ Ադոնց
Վիզաների ազատականացման գործընթացը շարունակական գործընթաց է...
ԵՄ-ի հետ համաձայնագիրը կարող է վավերացվել մոտ ապագայում. ԱԳՆ
«Գերմանիան պետք է օրինակ առաջիկայում վավերացնի համաձայնագիրը, իսկ Իսպանիան՝ հաջորդ ամիս», - պարզաբանեց փոխարտգործնախարարը....
Լիտվան եւ բալթյան մյուս երկրները միանշանակ աջակցում են Հայաստանին. Տիգրան Մկրտչյան
Արեւելյան գործընկերության տասնամյակին նվիրված համաժողով Վիլնյուսում...
Վտանգ կա, որ Բեռլինը եվրոպական պաշտպանական արդյունաբերության նախագծերում կդառնա անհուսալի գործընկեր․ Մերկել
Մերկելի խոսքերով, համատեղ եվրոպական նախագծերը «գործընկերների միջեւ հուսալիություն» են պահանջում․․․
Բրիտանիան առանց գործարքի Brexit-ի դեպքում մտադիր է մարտի 25-ին գործողությունների ծրագիր գործարկել
ԵՄ-ից թագավորության դուրս գալու ժամկետի երկարաձգման հաստատման դեպքում կառավարությունը պետք է որոշի՝ պետք է արդյոք ակտիվացնել կամ կրճատել օպերատիվ կառավարման գործունեությունը...
Ինչո՞ւ գնաց, հանդիպեց մեկի հետ, որը 1.5 ամսից թոշակի է գնալու. Գուրգեն Եղազարյանը՝ Նիկոլ Փաշինյանի՝ ԵՄ այցի մասին
ԵՄ գնալն իմաստ չուներ...