Գիտնականներին հաջողվել է Սուդանի վերջին սպիտակ արու ռնգեղջյուրի ԴՆԹ-ից էմբրիոններ աճեցնել: Ռնգեղջյուրը մահացել է այս տարի: Գիտնականներն այսպիսով հույս ունեին փրկել այս տեսակին ոչնչացումից:
AFP-ի փոխանցմամբ՝ այժմ ապրում են երկու վերջին սպիտակ ռնգեղջյուրները՝ անպտուղ էգերը: Գիտնականները հուսով են, որ տեխնիկական առաջընթացը կօգնի վերականգնել ռնգեղջյուրների այս տեսակը: «Մեր նպատակն է, որպեսզի երեք տարուց ծնվի առաջին ռնգեղջյուրը»,- ասել է Բեռլինում կենդանական եւ բուսական աշխարհի հետազոտությունների Լեյբնիցի վայրի բնության ուսումնասիրությունների և կենդանաբանական այգիների ինստիտուտում վերարտադրման կառավարման բաժնի ղեկավար Թոմաս Հիլդեբրանդտը:
Հիբրիդային էմբրիոնները ստեղծվել են արդեն մահացած արու սպիտակ ռնգեղջյուրի սառեցված սերմնահեղուկի և հարավային սպիտակ էգ ռնգեղջյուրների ձվաբջիջների օգնությամբ:
