ԱՄՆ նախագահ Դոնալդ Թրամփը Հյուսիսային Կորեայի համար պայծառ ապագա է երաշխավորում, սակայն պայմանով, որ երկրի միջուկային խնդիրը պետք է վերջնականապես լուծվի: Այս մասին հայկտարարել է ԱՄՆ պետքարտուղար Մայքլ Պոմպեոն, որը պաշտոնական այցով Փհենյանում է, հայտնում է Kyodo գործակալությունը:
«Նախագահ Թրամփը Հյուսիսային Կորեային պայծառ ապագա է երաշխավորում: Սակայն դրա համար անհրաժեշտ է, որ անցկացվի ամբողջական ապամիջուկայնացում»,- ասել է նա:
ԱՄՆ պետքարտուղարը ուրբաթ արդեն երրորդ այցով ժամանել է Հյուսիսային Կորեա: Նա Փհենյանից կհեռանա հուլիսի 7-ին, որից հետո կուղեւորվի Տոկիո, որտեղ եռակողմ բանակցություններ կվարի Ճապոնիայի եւ Հարավային Կորեայի ԱԳ նախարարների հետ:
