Մերձավոր Արեւելքում հաջորդ պատերազմը կարող է բորբոքվել ջրային ռեսուրսների համար, քանի որ Իրաքը, Սիրիան, Թուրքիան հավակնություններ են ներկայացնում երկու կենսական նշանակության գետերի՝ Տիգրիսի եւ Եփրատի համար, որոնք անցնում են տարածաշրջանով, գրում է Newsweek–ը՝ վկայակոչելով սիրիական փորձագետ Նաբիլ Ալ Սամանին։
Սիրիական փորձագետը նկարագրում է իրավիճակը, որում ջուրը օգտագործվում է որպես աղբյուրների նկատմամբ վերահսկողության զենք։
Նշվում է, որ Թուրքիան փորձում է իրականացնել 22 ամբարտակի եւ 19 էլեկտրակայանների կառուցման հավակնոտ նախաձեռնություն, որը կարող է գրեթե կիսով չափ սահմանափակել ջրի հոսքը պետությունների համար, որոնք գետի հոսքի ներքեւի հատվածում են տեղակայված, այսինքն՝ Սիրիան եւ Իրաքը։ Գաղափարը սկզբում մշակվել է ժամանակակից Թուրքիայի հիմնադիր, Թուրքիայի հանրապետության նախագահ Մուստաֆա Քեմալ Աթաթութի կողմից։ Ներկայիս նախագահ Ռեջեփ Թայիփ Էրդողանը ձգտում էր ավարտել նախագիծը։
Անկարան պնդում է, որ երկիրը իրավունք ունի ջրի մեծ քանակությունից օգտվելու, քանի որ նրա հողը ավելի արգավանդ է։
Այնուամենայնիվ, սիրիական փորձագետը ենթադրում է, որ հավանականությունը, որ Իրաքն ու Սիրիան այդպիսի կոնֆլիկտի մեջ կմտնեն, այսօր մեծ չի, թեեւ երկու երկրների բնակիչները հաճախ են լարվածություն զգում։