Ղազախստանի նախագահությամբ ՀԱՊԿ քարտուղարությունում տեղի է ունեցել Հավաքական անվտանգության պայմանագրի կազմակերպության (ՀԱՊԿ) մշտական խորհրդի նիստը, որին մասնակցում են ՀԱՊԿ անդամ-պետությունների մշտական եւ լիազոր ներկայացուցիչները եւ ՀԱՊԿ-ի գլխավոր քարտուղարի տեղակալները, հաղորդվում է ՀԱՊԿ-ի պաշտոնական կայքը:
Մշտական խորհուրդը քննարկել է Արտաքին գործերի նախարարների խորհրդի, Պաշտպանության նախարարների խորհրդի, Անվտանգության խորհուրդների քարտուղարների կոմիտեի եւ Հավաքական անվտանգության խորհրդի Հավաքական անվտանգության պայմանագրի կազմակերպության նստաշրջանի համատեղ նիստի օրակարգի նախագիծը, որը կկայանա Աստանայում այս տարվա նոյեմբերին: Որոշում է կայացվել շարունակել փաստաթղթերի քննարկումը ՀԱՊԿ-ի մշտական խորհրդի հերթական նիստին:
Քննարկվել է նաեւ 1992 թվականի մայիսի 15-ին Հավաքական անվտանգության պայմանագրի փոփոխությունների մասին արձանագրության նախագիծը եւ Հավաքական անվտանգության պայմանագրի կազմակերպության 2002 թվականի հոկտեմբերի 7-ին ընդւոնված կանոնադրության նախագիծը, որն առաջարկվել էր հայկական կողմի կողմից՝ Հայաստանի Հանրապետության Սահմանադրության մեջ փոփոխությունների ուժի մեջ մտնելուց կապակցությամբ:
Դրանց համաձայն՝ ՀԱՊԿ Հավաքական անվտանգության խորհրդի կողմից քննարկվող հարցերի վերաբերյալ որոշումների ընդունումը գտնվում է Հայաստանի Հանրապետության վարչապետի իրավասության ներքո: Վերոնշվածի կապակցությամբ ՀԱՊԿ քարտուղարությունն Արձանագրության նախագիծ է մշակել, որը կազմակերպության հիմնական փաստաթղթերի մի շարք հոդվածների փոփոխություն է նախատեսում: Հավաքական անվտանգության պայմանագրի կազմակերպության մշտական քարտուղարությունը որոշում է կայացրել փաստաթղթերը մեկ փաթեթով ներկայացնել միջպետական համաձայնեցմանը:
Մշտական Խորհուրդը քննարկման արդյունքում որոշում է կայացրել Միավորված ազգերի կազմակերպության Գլխավոր վեհաժողովի 73-րդ նստաշրջանի «ՄԱԿ-ի եւ Հավաքական անվտանգության պայմանագրի կազմակերպության միջեւ համագործակցության մասին» բանաձեւի նախագիծը ներկայացնել միջպետական համաձայնեցմանը:
Քննարկվել են արտաքին գործերի նախարարների խորհրդի եւ Անվտանգության խորհուրդների քարտուղարների կոմիտեյի հայտարարությունների՝ Ղրղզստանի եւ Ռուսաստանի կողմից մշակված նախագծերը, որոնք ապօրինի միգրացիայի դեմ պայքարին եւ Մերձավոր Արեւելքում եւ Հյուսիսային Աֆրիկայում իրավիճակի կայունացմանն ուղղված ջանքերին: Մշտական խորհուրդը քննարկել է նաեւ Հավաքական անվտանգության պայմանագրի կազմակերպության Հավաքական ուժերի ռազմական զորավարժությունների եւ ՀԱՊԿ-ի՝ 2019 թվականի բյուջեի նախագծի հետ կապված որոշ հարցեր: Փաստաթղթերն ուղղվել են ՀԱՊԿ-ի անդամ պետություններում ներպետական համաձայնեցմանը:
