Իրանի կողմից միջուկային զենքի ձեռքբերման կանխումը ԱՄՆ-ի առաջնահերթությունն է: Այս մասին Իսրայելի վարչապետ Բենյամին Նեթանյահուի հետ հանդիպման ժամանակ հայտարարել է Սպիտակ տան՝ ազգային անվտանգության հարցերով խորհրդատու Ջոն Բոլթոնը, հաղորդում է Haaretz- ը:
Նա նշել է, որ Վաշինգտոնը ճնշում է գործադրում Եվրոպայի վրա, որպեսզի այն քայլեր ձեռնարկի Օրանի դեմ: Նեթանյահուի խոսքով՝ Իսրայելը ողջունում է ԱՄՆ նախագահ Դոնալդ Թրամփի՝ Իրանի նկատմամբ պատժամիջոցներ կիրառելու պատրաստակամությունը: Նա նշել է, որ Իսրայելը չունի ավելի լավ բարեկամ, քան ԱՄՆ-ն, եւ որ նա գնահատում է ամերիկյան աջակցությունը: Բոլթոնի այցը թույլ է տալիս երկու երկրներին համակարգել իրենց դիրքորոշումները Իրանի, Սիրիայի, Գազայի հատվածի, ինչպես նաեւ այլ հարցերի շուրջ: