Եգիպտոսի նախագահ Աբդել Ֆաթթահ ալ Սիսին մասնակցել է նոր նահանգապետերի պաշտոնների ստանձման արարողությանը, որոնց թվում քրիստոնյա փոքրամասնության (ղպիտների) ներկայացուցիչ Մանալ Ավադ Միխայիլն է, որը նախկինում Գիզայի նահանգապետի տեղակալն էր, հայտնում է Associated Press-ը:
Նշվում է, որ սա Եգիպտոսի պատմության մեջ առաջին դեպքն է, երբ քրիստոնյա կինը նշանակվում է նահանգապետի պաշտոնում: Մանալ Ավադ Միխայիլը դարձել է Դամիետա նահանգի ղեկավարը:
Անցյալ տարի Եգիպտոսում նահանգապետի պաշտոնը զբաղեցրել էր կին, որը դարձել էր Բեհեյր նահանգի ղեկավար:
Եգիպտոսի կառավարությունում ընդգրկված է 8 կին նախարար: Ժամանակակից Եգիպտոսի պատմության մեջ սա կանանց ամենամեծ ներկայացվածությունն է: