Գյումրիում անչափահաս տղայի մահվան առթիվ հարուցվել է քրեական գործ` ՀՀ քրեական օրենսգրքի 110 հոդվածի՝ քաղաքացուն ինքնասպանության հասցնելու հատկանիշներով: Այս մասին NEWS.am-ին հայտնեց Շիրակի մարզի դատախազ Կարեն Գաբրիելյանը:
«Այս պահին կատարվում են անհրաժեշտ քննչական գործողություններ՝ դեպքի բոլոր հանգամանքները պարզելու, անձին ինքնասպանության հասցնելու հանգամանքերը պարզելու ուղղությամբ»,- ասաց Կարեն Գաբրիելյանը:
Ավելի վաղ հայտնել էինք, որ Գյումրիի Կոմիտասի փողոցի տներից մեկի տան բակում գտնվող կիսաքանդ շինության մեջ հայտնաբերել են երեխայի կախված դի: Ոստիկաններն ու քննիչները պարզել են, որ մահացածը նույն տան բնակիչ, 17-ամյա Կ. Պ.-ն է: Մահացածը սովորում էր Գյումրիի թիվ 3 պետական արհեստագործական ուսումնարանի 2-րդ կուրսում:
Ողբերգական դեպք Գյումրիում. 17-ամյա ուսանողի կախված դին են գտել