News
Լրահոս
News
Երկուշաբթի
Հունիս 24
USD
477.81
EUR
544.32
RUB
7.6
ME-USD
0.16
Տեսնել լրահոսը

«Սոսե» միջազգային կինոփառատոնը հետաքրքիր անակնկալ ունի կինոյի այն սիրահարների համար, ովքեր նախընտրում են կինո դիտել մեծ էկրանին։ Կինոփառատոնն այս տարի մտադիր է հիշեցնել մոռացության մատնված ու լքված նախկին կինոթատրոնների մասին եւ ոչ միայն հիշեցնել: Այս անգամ «Սոսե»-ն կանդրադառնա Երեւանի «Հայրենիք», Եղեգնաձորի «Արագիլ» եւ Դիլիջանի չգործող կինոթատրոններին։ 

«Սոսե» միջազգային կինոփառատոնի այդ նախաձեռնությանը միացել է Հայաստանի ազգային կինոկենտրոնը։ Կինոփառատոնի կազմակերպիչնեը կշրջեն Հայաստանի տարբեր քաղաքներում եւ տեղի պատասխանատուների հետ կփորձեն միասին լուծել այն խնդիրները, որոնք խոչնդոտում են կինոթատրոններն իրենց բուն նպատակին ծառայեցնելուն։ Սեպտեմբերի 29-ին առաջին կանգառը Դիլիջանն է։ Այստեղ կազմակերպիչներին կմիանան «Հայ կամավորների բանկ» ԵՀԿ-ի անդամներն ու Դիլիջանի համայնքային կենտրոնը: Տեխնիկական խնդիրները լուծելուց հետո սեպտեմբերի 30-ին, Դիլիջանի կինոթատրոնում նախատեսված է առաջին կինոցուցադրությունը՝ էկրան կբարձրանա Ռոման Ժիգալովի /ՌԴ/ «Անտառ» ֆիլմը։ Դրան կհաջորդեն փառատոնային այլ ֆիլմերի ցուցադրություններ եւս։

Նույն սկզբունքով փառատոնի կազմակերպիչները կանգառ կունանեն նաեւ Եղեգնաձորում։ Այստեղ այլ իրավիճակ է՝ «Արագիլ» կինոթատրոնի երբեմնի գործունեության մասին կիշեցնենք հարակից հրապարակում կազմակերպվելիք բացօթյա կինոցուցադրությունների միջոցով։

Այս նախաձեռնության գլխավոր ձեռքբերումը կլինի կինոյի սիրահարներին նորից դեպի «Հայրենիք» կինոթատրոն բերելու ավանդույթի վերականգնումը։ Սեպտեմբերի 28-ին «Սոսե» հինգերոդ միջազգային կինոփառատոնը կբացվի այս կինոթատրոնում։ Մոտ երկու ամիս՝ ամեն կիրակի, «Հայրենիք» կինոթատրոնում կինոցուցադրություններ կլինեն։

«Սոսե» միջազգային կինոփառատոնի այս նախաձեռնությունը մշակութային հեղափոխության յուրօրինակ դրսեւորում է, արժեքների վերագնահատում եւ հաստատում։ Կինոփառատոնի կազմակերպիչները վստահ են, որ սա լավ հնարավորություն է ոչ միայն կինոթատրոններին նոր կյանք տալու եւ կինոն վերադարձնելու մեծ էկրան, այլեւ զարկ տալու կինոարտադրությանը։ Սա նաեւ կնպաստի մարզերում  մշակութային կյանքը քիչ, թե շատ ակտիվացնելուն։

«Սոսե» հինգերորդ միջազգային կինոփառատոնն անցկացվում է ՀՀ մշակույթի նախարարության աջակցությամբ։

Տպել
Կարդացեք նաև
Ամբողջը
Apple-ը նպատակ ունի «Օսկար» ստանալ
Apple TV+ վիդեոսերվիսը կթողարկվի տարեվերջին...
ԵՄ-ն ակտիվ մասնակցություն ունի հայկական կինեմատոգրաֆիայի աջակցության գործում. դեսպան
«Երկրորդ՝ կինեմատոգրաֆիան այն ոլորտներից մեկն է, որտեղ Հայաստանը ներուժ ունի եւ այն պետք է վերականգնվի, պետք է զարգանա:...
Օրենսդրական կարգավորումը կինոյի ոլորտում ուղղված է կինոարդյունաբերության զարգացմանը. պաշտոնյա
Օրենսդրական կարգավորումն ուղղված է կինոարդյունաբերության զարգացմանը...
Կինոյի ոլորտում խնդիրների լուծման համար բացակայում էր քաղաքական կամքը. ԲՀԿ
Հունիսի 17-ին Ազգային ժողովում «Կինոյի ոլորտում հնարավոր օրենսդրական լուծումների» վերաբերյալ լսումների ժամանակ, որը նախաձեռնել էր...
Կինոարտադրության ոլորտը օրենսդրական կարգավորման կարիք ունի. պատգամավոր
Նրա խոսքով՝ հայկական կինոն աճ եւ առաջընթաց է արձանագրել, իսկ կինոարտադրության ոլորտի գործընթացները ակտիվացել են...
ՀՀ խորհրդարանում ընթանում են լսումներ կինոյի վերաբերյալ
ՀՀ ԱԺ-ում սկսվել են լսումներ կինոյի թեմայով...