Իրանի խորհրդարանի պատգամավորները փետրվարի 14-ի բողոքի ակցիայից հետո, երկրի դատական համակարգից պահանջել են մահապատժի ենթարկել ընդդիմության առաջնորդներին։ «Ընդդիմության ղեկավարներ Մեհդի Քարուբին եւ Միր-Հոսեյին Մուսավին իրենց էությամբ կաշառակերներ են եւ պետք է կանգնեն դատարանի առջեւ»,- հայտարարել են պատգամավորները, հաղորդում է Իրանի պետական լրատվական IRNA գործակալությունը:
«Էությամբ կաշառակեր» հասկացությունը նույնն է, ինչ անցյալում դավանափոխությունը, որում մեղադրվողները մահապատժի էին ենթարկվում, գրում է «Կորրեսպոնդենտ»-ը` վկայակոչելով Reutars-ին։ Իր հերթին դատարանի ներկայացուցիչը խոստացել է պատժել խռովարարներին օրենքի ողջ խստությամբ։
Ինչպես արդեն հայտնել է NEWS.am-ը, Միր-Հոսեյն Մուսավին եւ Մեհդի Քարուբին գտնվում են տնային կալանքի տակ` ոստիկանների հսկողության տակ:
