«Սասնա ծռեր» կուսակցությունը հրապարակել է 175 թեկնածուից բաղկացած համապետական ցուցակը, որում ընդգրկված են ոչ միայն «Սասնա ծռեր» կուսակցության անդամներ:
Մասնավորապես, ցուցակի երկրորդ հորիզոնականը զբաղեցնում է Գլոբալիզացիայի եւ տարածաշրջանային համագործակցության վերլուծական կենտրոնի նախագահ Ստեփան Գրիգորյանը:
Ցուցակում է նաեւ «Ժողովրդավարական Հայրենիք» կուսակցության նախագահ Պետրոս Մակեյանը, «Սասնա ծռեր» խմբի որոշ անդամների փաստաբան Արայիկ Պապիկյանը եւ լրագրող Հերմինե Մկրտչյանը:
Նշենք, որ ԱԺ արտահերթ ընտրություններին մասնակցելու հայտ է նեևրկայացրել 11 քաղաքական ուժ:
Ավելի վաղ NEWS.am-ը հայտնել էր, որ ԱԺ արտահերթ ընտրությունները տեղի են ունենալու դեկտեմբերի 9-ին, իսկ ընտրարշավը կմեկնարկի նոյեմբերի 26-ին: Այսօր ժամը 18.00-ին լրացել է քաղաքական ուժերի կողմից իրենց հայտերը ԿԸՀ ներկայացնելու ժամկետը: