News
Լրահոս
News
Չորեքշաբթի
Փետրվար 20
Տեսնել լրահոսը


Պատրաստվում է Հայաստանի կառավարության որոշումը Վրաստանի սահմանին մնացած աջակողմյան ղեկով մեքենաների խնդրի լուծման համար: Այս մասին լրագրողների հետ զրույցում հայտարարեց տրանսպորտի, կապի եւ ՏՏ նախարարի պաշտոնակատար Հակոբ Արշակյանը:

Նրա խոսքով՝ որոշման համաձայն՝ թույլ կտան ավտոմեքենաները երկիր ներկրել այն պայմանով, որ տարվա ընթացքում ղեկի տեղադրությունը աջից ձախ փոխվի: Ընդ որում՝ եթե նախկինում խոսքն այն մասին էր, որ այդ ժամանակահատվածում հնարավոր կլինի ավտոմեքենաները շահագործել, ապա հիմա, նախարարի պաշտոնակատարի խոսքից պարզվեց, որ շահագործումը կարգելվի մինչեւ գրանցումը:

Դիտարկամանը, թե մեքենայի վերասարքավորումը լուրջ հետեւանքներով է հղի, Հակոբ Արշակյանն անխռով հայտարարեց, որ նախկինում էլ են վերասարքավորել Վրաստանում: Արշակյանի խոսքով՝ եթե դա էժան անեն, ապա, իհարկե, անորակ կստացվի: Իսկ ահա, եթե գործով զբաղվեն որակյալ մասնագետները, ապա ոչ մի խնդիր չի առաջանա:

Տեխանձնագիր տրամադրելիս այս մեքենաների դեպքում կստուգվի ոչ միայն արգելակման համակարգը, այլեւ ղեկային աշտարակը: Խնդիրների դեպքում, բնականաբար, մեքենան չի գրանցվի:

Մեկնաբանելով մեքենաների այս խմբաքանակը բաց թողնելու, իսկ այնուհետեւ ընդհանրապես ներկրումն արգելելու առաջարկը՝ նախարարի պաշտոնակատարը հավաստիացրեց, որ ինքն անձամբ ոչինչ անել չի կարող, քանի որ «ոստիկանությունը դեմ» է աջակողմյան ղեկով մեքենաներին:

Այս համատեքստում նշենք, անցած կես տարում ճանապարհային ոտիկանության ամբողջական թողտվությամբ Հայաստանում ճանապարհային պատահարների թիվն աճել է ռեկորդային՝ 58 տոկոսով: Սակայն ոստիկանության թիվ մեկ խնդիրը աջակողմյան ղեկով մեքենաներն են: Ինչպես նախկինում, պատճառաբանությունն այն է, որ Հայաստանում երթեւեկությունը աջակողմյան է:

Փաստացի կրկնելով իր նախորդի՝ Վահան Մարտիրոսյանի բառերը, Հակոբ Արշակյանը հայտարարեց, որ մեծ թվով աջակողմյան ղեկով մեքենաներն անթույլատրելի են, որովհետեւ երթեւեկությունն աջակողմյան է: Նախարարի պաշտոնակատարը հրաժարվեց քննարկել վիճակագրական տվյալները, ինչից հետեւում է եզրահանգումը, որ աջակողմյան ղեկով մեքենաներ տեսնելու ցանկություն չունենալը թելադրված է էսթետիկական նախապատվություններով:

Արշակյանն այնուհետեւ հղում կատարեց վարչապետի պաշտոնակատարի հայտարարությանն այն մասին, որ այս հարցում կառավարության դիրքորոշումը հստակ է: Վիրավորվածության նոտայով նախարարի պաշտոնակատարը նշեց, որ «Ղեկն աջից» նախաձեռնության ակտիվիստները իշխանություններին մեղադրում են այն բանում, որ կրկնում են նախորդ իշխանությունների գործողությունները: «Իսկ ո՞վ է ձեզ խանգարում արհեստանոց բացել եւ փող աշխատել (ղեկի տեղադրության փոփոխությամբ)»,- «հայտնագործություն» կատարեց Հակոբ Արշակյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կորեական Genesis պրեմիում-ապրանքանիշը թարմացրել է իր ամենաշքեղ ավտոմեքենան
Այնպես որ, ավելի լավ է ավտոմեքենան անվանել սթրեթչ-սեդան․․․
Ford-ը ներկայացրել է նոր սերնդի Focus ST-ն
Մոդելը կառաջարկվի հեչբեքի թափքով եւ բենզինային կամ դիզելային շարժիչով․․․
ԵՄ-ն «արագ եւ համարժեք» կարձագանքի ԱՄՆ կողմից սահմանված մեքենաների ներկրման մաքսատուրքերին
ԵՄ ներկայացուցիչ Մարգարիտիս Սկինասը հայտարարել է, որ եթե ԱՄՆ-ը շարունակի «եվրոպական արտահանմանը վնասող գործողությունները, Եվրոպական հանձնաժողովը արագ եւ համարժեք կարձագանքի»...
Կարտադրվի վարդագույն կամ մանուշակագույն Lamborghini Urus քրոսովեր
Վարդագույն կամ մանուշակագույն տարբերակը համալրված կլինի 4լ ծավալով եւ 650 ձիաուժ հզորությամբ Twin-Turbo V8 շարժիչով…
Կազմվել է ամենաանվտանգ ավտոմեքենաների վարկանիշը
2019 թվականի ամենաանվտանգ մեքենաների վարկանիշով ամենաանվտանգ փոքր ընտանեկան մեքենան Mercedes-Benz A-Class-ն է...
Tesla ավտոմեքենաներում կավելանա «շան ռեժիմը»
Այն թույլ կտա ընտանի կենդանուն թողնել մեքենայում…