Աշխատանքը խրախուսելու համար պատրաստում ենք մկիրոբիզնեսը, որը թերեւս Ճամբարակի պարագայում 70% է, 2019 թվականի կեսերից ազատել հարկերից։ Այդ մասին այսօր՝ նոյեմբերի 29–ին, ասաց վարչապետի պաշտոնակատար Նիկոլ Փաշինյանը՝ ճամբարակցիների հետ հանդիպման ժամանակ։

Ըստ Փաշինյանի՝ խոսքն այն բիզնեսի մասին է, որի տարեկան շրջանառությունը 20-24 մլն դրամ է. «Մենք սա անում ենք, որ մարդիկ իրենց աշխատանքով ավելի մեծ արդյունք ստանան։ Անհատ տաքսիի վարորդները կազատվեն բոլոր տեսակի տուրքերից։ Հիմա ամիսը 8 000 դռամ լիցենզիոն վճար են տալիս։ Կնվազեցնենք նաեւ վարկերի տոկոսադրույքները»։

Փաշինյանը նաեւ տեղեկացրեց, որ Հայաստանը խոշոր բնապահպանական դրամաշնորհ է ստացել, որից գումար կհատկացվի անտառամերձ եւ բնապահպանական գոտիների մոտ ապրողներին կտրամադրվի գումար, որ հիմնեն փոքր ձեռնարկություններ, եւ հնարավորինս քիչ վնաս հասցնեն անտառին։

Նա նաեւ խորհուրդ տվեց ճամբարակցիներին, ծղոտից պատրաստել վառելանյութ՝ բռիկետներ կամ պելետներ, որոնց ջերմատվությունը գերազանցում է փայտի ջերմատվությանը։ Մենք բանակցում ենք Կենտրոնական բանկի  հետ, որ այսպիսի արտադրություն հիմնել ցանկացողներին տրամադրվեն արտոնյալ վարկեր։