Ադրբեջանում հայերի ցեղասպանությունից հետո նույնիսկ 30 տարի անց հարցը միջազգային հարթակներում չի բարձրացվել: Դեկտեմբերի 12-ին մամուլի ասուլիսի ժամանակ այս մասին ասաց «Ընդդեմ իրավական կամայականության» կազմակերպության ղեկավար Լարիսա Ալավերդյանը:
Նրա խոսքով՝ Հայաստանի իշխանությունները այս հարցի լուծումը թողել են ապագա սերունդներին: «Հույս ունեմ, որ նոր իշխանությունները նոր թափ կհաղորդեն 80-ականների վերջին 90-ականների սկզբին Ադրբեջանում հայերի ցեղասպանության զոհերի խնդրի լուծմանը եւ նրանց կարգավիճակի տրամադրմանը: «Այլապես ստացվում է, որ Սումգայիթում, Բաքվում, Կիրովաբադում սպանվածները դարձել են խուլիգանական գործողությունների զոհեր»,- նշեց իրավապաշտպանը:
