Երեքշաբթի օրվանից մերձավորարեւելյան մի շարք երկրներ սկսած այցելությունները մասն են կազմում գլոբալ հակաիրանական կոալիցիա ստեղծելու՝ Միացյալ Նահանգների ջանքերի, հայտարարել է ԱՄՆ պետքարտուղար Մայք Պոմպեոն, հաղորդում է «Интерфакс»–ը։
«Մեր ներկայիս շրջագայության տարրերից մեկն էլ կոալիցիա ստեղծելու ջանքերի շարունակությունն է, որի մեջ կմտնեն Պարսից Ծոցի երկրները, Իսրայելը, ամողջ աշխարհի եվրոպական եւ ասիական երկրները, այն երկրները, որոնք հասկանում են՝ պետությունը, որը հանդիսանում է ահաբեկչության աշխարհի խոշորագույն հովանավորը, պետք է դադարեցնի իր գործունեությունը», - ասել է Պոմպեոն CNBC- ին տված հարցազրույցում` նախքան Հորդանան, Եգիպտոս, Բահրեյն, Միացյալ Արաբական Էմիրություններ, Կատար, Սաուդյան Արաբիա, Օման եւ Քուվեյթ մեկնելը:
Պատասխանելով հարցին՝ արդյոք ԱՄՆ-ն Իրանի հանդեպ ավելի խիստ մոտեցում կպահանջի Եվրոպայից, պետքարտուղարն ասել է. «Անկասկած: Ես կցանկանայի տեսնել, որ աշխարհը շարունակում է աջակցել Միացյալ Նահանգների եւ Պարսից ծոցի երկրների, Իսրայելի ջանքերին. Սա կարեւոր ձեռնարկ է, քանի որ իրանական ռեժիմի հեղափոխական բնույթը սպառնալիք է ամբողջ աշխարհի համար։