Սոչիի օլիմպիադիայի համար սպառնալիք ստեղծելը վեր է Վրաստանի հնարավորություններից եւ Վրաստանն այդպիսի ծրագրեր չունի: Նման տեսակետ է հայտնել Վրաստանի նախագահ Միխայիլ Սահակաշվիլին:
«Ժամանակին, մենք քաղաքական մակարդակով աջակցեցինք Սոչիում նախապատրաստվելիք օլիմպիադայի կազմակերպմանը, որի շնորհիվ հույս ունեի հետեւում թողնել բացասական միտումները: Իսկ ներկայումս Սոչիի օլիմպիադայի կազմակերպման հետ կապված Ռուսաստանն, իսկապես, քաղաքական խնդիրների առջեւ է կանգնել»,- նշել է Սահակաշվիլին, ընդգծելով, որ այսօր Վրաստանի ծրագրերի եւ հնարավորությունների մեջ չի մտնում օլիմպիադայի ընդհատումը:
Հիշեցնենք, որ Սոչիի օլիմպիադան Վրաստանից պաշտպանելու մասին հայտարարություն էր արել Ռուսաստանի նախագահ Դմիտրի Մեդվեդեւը: Նա նշել է, որ Վրաստանի կողմից սպառնալիք կա, որ այդ երկիրը կարող է խոչընդոտել օլիմպիադիայի անցմացմանը եւ եթե նման բան լինի, իրենք գիտեն, թե ումից պատասխան պահանջեն: