Ռուսաստանի ԱԳ նախարար Սերգեյ Լավրովը Մյունխենի անվտանգության հարցերով համաժողովի շրջանակում կհանդիպի Հայաստանի ԱԳ նախարար Զոհրաբ Մնացականյանի հետ: Այս մասին հինգշաբթի ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Համաժողովի շրջանակում նախատեսվում է մի ամբողջ շարք քաղաքական շփումների անցկացում, մասնավորապես՝ մշակվում են երկկողմ հանդիպումներ Գերմանիայի, Հարավային Կորեայի, Բելգիայի, Պակիստանի, Մոնղոլիայի, Հայաստանի, Խորվաթիայի, Ճապոնիայի ԱԳ նախարարների հետ,- հայտնել է նա: - Առանձին բանակցություններ են հիմա մշակվում Չինաստանի Կոմունիստական կուսակցության Կենտրոնական կոմիտեի քաղբյուրոյի անդամ, Չինաստանի ԿԿ Կենտկոմի արտաքին գործերի հանձնաժողովի գրասենյակի ղեկավար Յան Ցզեչիի հետ: Շփում է նախատեսվում ՆԱՏՕ-ի գլխավոր քարտուղարի, ինչպես նաեւ ՄԱԿ գլխավոր քարտուղարի Լիբիայի հարցով հատուկ ներկայացուցչի եւ ԵՄ արտաքին գործերի եւ անվտանգության քաղաքականության գերագույն հանձնակատարի հետ»:
Նա հիշեցրել է, որ Լավրովը փետրվարի 15-16-ին կմասնակցի Մյունխենի անվտանգության հարցերով համաժողովի հերթական նիստին:
