Իրանցիները երբեք չեն տրվի ճնշմանը: Այս մասին հայտարարել է Իրանի ԱԳ նախարար Մոհամմեդ Ջավադ Զարիֆը՝ Իրանի նկատմամբ ԱՄՆ քաղաքականությունը ձախողված որակելով:
ԱՄՆ նախագահ Դոնալդ Թրամփն «ամբողջ ուժով ջանում է Իրանի նկատմամբ իր ձախողված քաղաքականությունը հաջողված ներկայացնել», նշել է Զարիֆն իր Twitter-յան էջում: «Միակ բանը, որն ապացուցվել է, այն է, որ նա ուրախանում է տառապանքներով, որոնք, իր կարծիքով, բերել է շարքային իրանցիների համար: Ինչպես եւ նրա նախորդները, նա կիմանա, որ իրանցիները երբեք ճնշման չեն ենթարկվի»,- շեշտել է Զարիֆը:
Իրանական միջուկային համաձայնագրից ԱՄՆ-ի դուրս գալուց հետո Վաշինգտոնը վերականգնել է Իրանի դեմ պատժամիջոցները, ինչպես նաեւ մտցրել է մի շարք նոր սահմանափակող միջոցառումներ:
