News
Լրահոս
News
Երկուշաբթի
Հոկտեմբեր 21
USD
476.32
EUR
531.95
RUB
7.48
ME-USD
0.08
Տեսնել լրահոսը


«Սասնա ծռերի» գործով այսօրվա դատական նիստին ցուցմունք տվեց գործով տուժող Էլեն Վարդանյանը։

Նա հայտնեց, որ բնակվում է ոստիկանության ՊՊԾ գնդի մոտ, դեպքից շատ մանրամասներ չի հիշում, գիտի միայն, որ իրենց տանը անչափահաս երեխաներ կային, որոնք վախեցել են։

«Լուսադեմին ժամը 5–ի կողմերը ուժեղ ձայն լսեցինք, վեր կացանք, տեսանք մեքենա, խառնաշփոթ իրավիճակ էր, ոստիկանական մեքենաներ էին, դարպասների մոտ բեռնատար կար։ Քանի որ տանը անչափահաս երեխաներ կային, շատ վախեցած վիճակ էր՝ անընդհատ չեմ գնացել պատուհանի մոտ։ Հաջորդ օրը մամայիս, եղբորս և երեխաներիս հետ տարածքը լքել ենք, քանի որ երեխաները ուժեղ սթրեսի մեջ էին: Մեզ հետո զանգել են կանչել, ասացին, որ պատուհանը բաց է և որ պատուհանից տուն են մտել և որ պիտի տունըխուզարկվի: Ներս ենք մտել՝ պահարանը թափթված էր, սառնարանը բաց էր, որոշ բաներ էին բացակայում»,–պատմեց տուժողը։

Մեղադրողի հարցին, արդյոք կրակոցների ձայներ լսե՞լ է, տուժողը պատասխանեց՝ այո՝ նշելով, որ երեխաները կրակոցներից են վախեցել։

Վարդանյանը նաև ասաց, որ իր տնից կորել է «պլանշետ» և հեռախոս:

Կինը նաև հայտնեց որ որևէ բողոք և պահանջ չունի:

Հիշեցնենք, որ 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու փաստի կապակցությամբ հարուցված քրեական գործերը քննվում են դատարաններում։

ՊՊԾ գունդը զավթելու եւ նշված այլ արարաքները կատարելու մեջ մեղադրվում է 32 անձ:

«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը։ 7 ամբաստանյալների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։

Տպել
Կարդացեք նաև
Ամբողջը
Բոլորը պետք է ճաղերի հետևում լինեին, ոչ թե ազատ ման գային. սպանված ոստիկանի այրին՝ Պավլիկ Մանուկյանին
Արդեն մեկ տարուց ավելի է ասում եմ, որ Արմեն Բիլյանը անհարկի գտնվում է կալանքի տակ...
Շատ վատ է, որ երկրով մեկ տարածում են, թե Նիկոլ Փաշինյանը մեզ ազատեց. Պավլիկ Մանուկյանը ցուցմունք տվեց
Նշենք, որ այսօր դատարանում ցուցմունք են տալիս գործով ամբաստանյալները...
Ասացին՝ հանուն հեղափոխության պիտի տամ թե՛ մեքենաս, թե՛ կյանքս, եթե ոչ՝ կոչնչացնեն ընտանիքս. «Սասնա ծռերի» գործով վկա
Խաչատուր Գիչյանը մեղադրվում է ՊՊԾ գնդի գրավման մասնակիցներին իր «Կռազ» մակնիշի մեքենան տրամադրելու համար...
Եթե իշխանությունները շարունակեն նախկինների սրիկա վարվելակերպը, էլի ես մնում եմ նույն ապստամբը. Պավլիկ Մանուկյան
Դուք պարզ տեսնում եք, որ Արմեն Բիլյանը այդ պատահական կրակոցի հեղինակը չէ…
«27 օր էնտեղ քեֆ եք արել, ինչու՞ չեք հիշում». սպանված ոստիկանի այրին՝ «Սասնա ծուռ» Արմեն Լամբարյանին
«Սասնա ծռեր» խմբի տասն անդամների գործով այսօրվա դատական նիստում հարցաքննվեց Արմեն Լամբարյանը...
Ընթանում է «Սասնա ծռերի» գործով դատական նիստը
«Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...