Facebook սոցցանցը ստացել է 1.5 մլն օգտատերերի կոնտակտների ցուցակները՝ առանց նրանց տեղեկության, երբ նրանք նոր աքաունթներ են ստեղծել, հաղորդում է Business Insider-ը՝ վկայակոչելով ինտերնետ հսկայի հաղորդագրությանը:
«Երբ մենք ուսումնասիրեցինք գործընթացը, որի միջոցով օգտատերերը ստուգել էին իրենց աքաունթները, մենք հայտնաբերեցինք, որ Facebook-ում էլեկտրոնային փոստի կոնտակտների ոչ կանխամտածված բեռնում է կատարվել:Այդ կոնտակտները ոչ ոքի չեն փոխանցվել եւ այժմ մենք դրանք հեռացնում ենք», - թերթը մեջբերում է ընկերության հայտարարությունը:
Հաղորդվում է, որ Facebook-ն արդեն ուղղել է սխալը եւ մարդկանց ծանուցում է, թե ում կոնտակտներն են բեռնվել սոցցանցում:
Թերթի տվյալներով՝ սոցցնացում գրանցված օգտատերերի մասին տեղեկությունների հավաքումը կատարվել է 2016-ի մայիսից: Հաղորդվում է, որ այդ տվյալները օգտագործվել են նաեւ առաջարկվող ընկերների ցուցակի ստեղծման համար:
Ընդ որում պարզ չէ՝ օգտագործվել են արդյոք դրանք թիրախային գովազդի տարածման համար:
Հրատարակության տվյալներով՝ ավելի վաղ համացանցային անվտանգության ոլորտի մասնագետները հայտնաբերել էին, որ սոցցանցը որոշ օգտատերերի խնդրում է նոր աքաունթի ստեղծման դեպքում էլ.փոստի գաղտնաբառը մուտքագրել:
Հրատարակությունը պարզել է, որ գաղտնաբառը մուտքագրելուց հետո էկրանին օգտատիրոջ կոնտակների բեռնման մասին ծանուցում է ստացվել, ընդ որում համակարգը թույլտվություն չի հարցրել տվյալների բեռնման համար: