Սիրիայի Արաբական Հանրապետությունում հումանիտար առաքելություն իրականացնող հայ մասնագետների խմբի սակրավորները փետրվարի 19-ից մինչեւ մայիսի 2-ը տեխնիկական հետազոտության եւ մաքրման աշխատանքների ժամանակ 25 հազար 290 քմ տարածք են ականազերծել: Այս մասին տեղեկացվում է Հումանիտար Ականազերծման եւ Փորձագիտական Կենտրոն ՊՈԱԿ-ի ֆեյսբուքյան էջում:
Հայտնաբերվել են հակահետեւակային ականներ (ՊՄՆ-2՝ 11 հատ, ՄՕՆ-50՝ 2 հատ), հակատրանսպորտային ականներ (ՏՄ- 62՝ 9 հատ, SB – 80՝ 1 հատ), ձեռքի նռնակ (Ֆ-1՝ 3 հատ), կասետային ենթառազմամթերք՝ 1 հատ, ինքնաշեն՝ 2 հատ: Մարդասիրական խմբի բժիշկները թերապեւտիկ եւ վիրաբուժական բնույթի բուժօգնություն են ցուցաբերել հարյուրավոր քաղաքացիների:
Իրականացվել են նաեւ կլինիկական, կենսաքիմիական եւ լաբորատոր հետազոտություններ: Հայ մասնագետները շարունակում են հումանիտար առաքելությունը»:
